കാസര്കോട്: ഹൈടെന്ഷന് വൈദ്യുതിലൈനില് തട്ടി ഷോക്കേറ്റു വീണ കുട്ടികുരങ്ങിന് പുനര്ജന്മം. രക്ഷകരായത് അതുവഴി വന്ന നാട്ടുകാര്. ചൊവ്വാഴ്ച രാവിലെ പത്തോടെ ഇടയിലക്കാട് നാഗലായത്തിനടുത്തുള്ള കെ.എസ്.ഇ.ബിയുടെ ഹൈടെന്ഷന് ലൈനില് തട്ടിയാണ് സംഭവം. നാല് കുരങ്ങുകള്ക്കൊപ്പം മരച്ചില്ലകളിലൂടെ ചാടിപ്പോകുന്നതിനിടെ വൈദ്യുതിലൈനില് തട്ടി ഷോക്കേറ്റ് തെറിച്ചു വീഴുകയായിരുന്നു. വീഴ്ചയുടെ ശബ്ദവും കുരങ്ങുകളുടെ അസ്വാഭാവിക കരച്ചിലും കേട്ട നാട്ടുകാര് വനത്തില് അന്വേഷണം നടത്തിയപ്പോഴാണ് പരിക്കേറ്റ് വീണ കുരങ്ങിനെ കണ്ടത്. ഇടതു കൈപ്പത്തിയിലും വലതു കാലിന്റെ തുടയിലും പൊള്ളലേറ്റ നിലയിലായിരുന്നു കുരങ്ങ്. ഉടന് തന്നെ നെഞ്ചില് തടവിയും വെള്ളം കൊടുത്തും പ്രഥമ ശ്രുശ്രൂഷ നല്കി.
കൂടെയുണ്ടായിരുന്ന മറ്റു കുരങ്ങുകള് നാട്ടുകാരെ ആക്രമിക്കാന് ശ്രമിച്ചതോടെ പിന്നീട് വനപാലകരെ വിവരം അറിയിക്കുകയായിരുന്നു. എന്നാല് കുരങ്ങിനെ തേന് പുരട്ടി ആവാസ വ്യവസ്ഥയിലേക്ക് വിടാനായിരുന്നു വനം വകുപ്പ് അധികൃതര് നിര്ദേശിച്ചത്. നിര്മാണ തൊഴിലാളി ദിപേഷ്, സജീവന്, രാഘവന് എന്നിവര് ചേര്ന്ന് അരമണിക്കൂറോളം പരിക്കേറ്റ കുരങ്ങിനെ പരിചരിച്ചു. തക്കാളിയും ചെറുപഴങ്ങളും നല്കി ദാഹവും തീര്ത്താണ് പിന്നീട് കാവിനകത്തേക്ക് തിരിച്ചയച്ചത്. ഹൈടെന്ഷന് വൈദ്യുതിലൈനുകള് പോകുന്ന ഈ സ്ഥലങ്ങളില് മരച്ചില്ലകള് തട്ടിനില്ക്കുന്നുണ്ട്. മഴ ആരംഭിക്കുന്നതിന് മുമ്പായി ലൈനില് സ്പര്ശിക്കാന് സാധ്യതയുള്ള മരച്ചില്ലകള് വെട്ടിമാറ്റാറുണ്ട്. ഇക്കുറി അത് ഈ ഭാഗത്ത് നടത്തിയിട്ടില്ല.
മരച്ചില്ലകള് വെട്ടിമാറ്റിയും ഇത്തരത്തിലുള്ള അപകടങ്ങള് ഇല്ലാതാക്കാന് കെ.എസ്.ഇ.ബി അധികൃതര് ജാഗ്രത കാട്ടണമെന്ന് നാട്ടുകാര് ആവശ്യപ്പെട്ടു.കൊവിഡ് കാലത്ത് നാഗാലയക്കാവിലെ കുരുങ്ങുകള് നാട്ടിലേക്കിറങ്ങിവരുന്നത് പതിവാണ്. വേണ്ടത്ര ഭക്ഷണം ലഭിക്കാത്തതിനാലാണ് കാടിറങ്ങി നാട്ടില് വാനരക്കൂട്ടം കറങ്ങുന്നത്. നൂറോളം കുരങ്ങുകള് ഈ കാവില് വസിക്കുന്നുണ്ട്. ഓണത്തിന് നാട്ടുകാര് എല്ലാവര്ഷവും ഉത്രാട സദ്യയും നല്കിവരുന്നുണ്ട്.
കൂടെയുണ്ടായിരുന്ന മറ്റു കുരങ്ങുകള് നാട്ടുകാരെ ആക്രമിക്കാന് ശ്രമിച്ചതോടെ പിന്നീട് വനപാലകരെ വിവരം അറിയിക്കുകയായിരുന്നു. എന്നാല് കുരങ്ങിനെ തേന് പുരട്ടി ആവാസ വ്യവസ്ഥയിലേക്ക് വിടാനായിരുന്നു വനം വകുപ്പ് അധികൃതര് നിര്ദേശിച്ചത്. നിര്മാണ തൊഴിലാളി ദിപേഷ്, സജീവന്, രാഘവന് എന്നിവര് ചേര്ന്ന് അരമണിക്കൂറോളം പരിക്കേറ്റ കുരങ്ങിനെ പരിചരിച്ചു. തക്കാളിയും ചെറുപഴങ്ങളും നല്കി ദാഹവും തീര്ത്താണ് പിന്നീട് കാവിനകത്തേക്ക് തിരിച്ചയച്ചത്. ഹൈടെന്ഷന് വൈദ്യുതിലൈനുകള് പോകുന്ന ഈ സ്ഥലങ്ങളില് മരച്ചില്ലകള് തട്ടിനില്ക്കുന്നുണ്ട്. മഴ ആരംഭിക്കുന്നതിന് മുമ്പായി ലൈനില് സ്പര്ശിക്കാന് സാധ്യതയുള്ള മരച്ചില്ലകള് വെട്ടിമാറ്റാറുണ്ട്. ഇക്കുറി അത് ഈ ഭാഗത്ത് നടത്തിയിട്ടില്ല.
മരച്ചില്ലകള് വെട്ടിമാറ്റിയും ഇത്തരത്തിലുള്ള അപകടങ്ങള് ഇല്ലാതാക്കാന് കെ.എസ്.ഇ.ബി അധികൃതര് ജാഗ്രത കാട്ടണമെന്ന് നാട്ടുകാര് ആവശ്യപ്പെട്ടു.കൊവിഡ് കാലത്ത് നാഗാലയക്കാവിലെ കുരുങ്ങുകള് നാട്ടിലേക്കിറങ്ങിവരുന്നത് പതിവാണ്. വേണ്ടത്ര ഭക്ഷണം ലഭിക്കാത്തതിനാലാണ് കാടിറങ്ങി നാട്ടില് വാനരക്കൂട്ടം കറങ്ങുന്നത്. നൂറോളം കുരങ്ങുകള് ഈ കാവില് വസിക്കുന്നുണ്ട്. ഓണത്തിന് നാട്ടുകാര് എല്ലാവര്ഷവും ഉത്രാട സദ്യയും നല്കിവരുന്നുണ്ട്.