കാസർകോട്: കഴിഞ്ഞ രണ്ടാഴ്ച കാലമായി കൊവിഡ് ബാധിച്ച് ചികിത്സയിലായിരുന്ന മലയാളി യുവാവ് ദുബായില്‍ മരിച്ചു. തൃക്കരിപ്പൂർ ഉടുമ്പുന്തല സ്വദേശി അസ്ലം ഒടിയാണ് മരിച്ചത്. 28 വയസായിരുന്നു. ദുബായിൽ ഖുസൈസ് ആസ്റ്റർ ഹോസ്പിറ്റലിൽ ചികിത്സയില്‍ കഴിയുകയായിരുന്നു.
കൊവിഡ് സ്ഥിരീകരിച്ചതിനെത്തുടർന്ന് ചികിത്സയിലായിരിക്കെയാണ് മരണം. സംസ്കാര ചടങ്ങുകൾ ദുബായിൽ തന്നെ നടക്കുമെന്ന് ബന്ധുക്കൾ അറിയിച്ചു. പനി ബാധിച്ചതിനെ തുടര്‍ന്നാണ് ആദ്യം ആശുപത്രിയില്‍ പ്രവേശിപ്പിച്ചത്. പിന്നീട് കൊവിഡ് സ്ഥിരീകരിക്കുകയായിരുന്നു.
Also Read: തൃശൂരിൽ മരിച്ച കൊവിഡ് ബാധിതയുടെ സഹയാത്രികർ പാലക്കാട് സ്വദേശികൾ
ഉടുമ്പുന്തല ഗവർണ്മെന്റ് സ്കൂളിന് സമീപമാണ് അസ്ലമിന്റെ വീട്. പിതാവ് അബ്ദുള്ള. മാതാവ്: റസിയ ടീച്ചർ, ഭാര്യ:ഷഹനാസ് മകൻ: സലാഹ്. സഹോദരങ്ങൾ: ഒ ടി തസ്ലീമ, ഒ ടി ഖദീജ. കഴിഞ്ഞ ദിവസം കൊവിഡ് ബാധിച്ച് ചൂരി ബട്ടംപാറ സ്വദേരി മധുസൂദനനും മരണപ്പെട്ടിരുന്നു.