ജീവിതത്തിൽ ഒരിക്കലും വിമലയല്ല... തിങ്കളാഴ്ച നിശ്ചയത്തിലെ 'കുശുമ്പി നാത്തൂൻ' സമയത്തിനൊപ്പം

ജീവിതത്തിൽ ഞാൻ ഒരിക്കലും വിമല അല്ലെന്ന് പറഞ്ഞു തുടങ്ങിയാണ് മിനി ഞങ്ങളോട് സംസാരിച്ചു തുടങ്ങുന്നത് തന്നെ. നാട്ടുമ്പുറങ്ങളിലെ കുശുമ്പികളായ സാധാരണ സ്ത്രീകളെ കണ്ട് പരിചയമുള്ളവർക്ക് തിങ്കളാഴ്ചയിലെ വിമലയെ നല്ല പരിചയമായിരിക്കും എന്നത് കൊണ്ടാകാം അങ്ങനെ ഒരു തുടക്കം എന്ന് ഞങ്ങൾക്ക് മനസ്സിലായി. എന്തിലും ഏതിലും കയറി അഭിപ്രായം പറയുന്ന കുശുമ്പും കുന്നായ്മ്മയും കൊണ്ട് നടക്കുന്ന സ്ത്രീകളുടെ പ്രതിനിധി. തീരെ എളുപ്പമായിരുന്നു ആ ക്യാരക്ടർ അഭിനയിച്ചു തീർക്കുക എന്നാണ് മിനി പറയുന്നത്. സിനിമയുടെ സെറ്റ് കുടുംബം പോലെ ആയത് കൊണ്ടും ഡയറക്ടർ അടങ്ങുന്ന ഫുൾ ടീം അത്രയും നല്ല രീതിയിൽ ഇടപഴകിയത് കൊണ്ടും മാത്രം സാധ്യമായ ഒന്ന്.