'കൊറോണാസുരന്‍റെ' കഥയുമായി യക്ഷഗാനം; സോഷ്യല്‍ മീഡിയയില്‍ വൈറല്‍, വീഡിയോ കാണാം...

കാസര്‍കോട്: കോവിഡ് 19 വ്യാപനം തടയുന്നതിനായ് നാടും നഗരവും നെട്ടോട്ടമോടുമ്പോള്‍ പ്രതിരോധപ്രവര്‍ത്തനങ്ങള്‍ക്ക് യക്ഷഗാനത്തിലൂടെ ഊര്‍ജ്ജം പകരുകയാണ് കാസര്‍കോട് ജില്ലയിലെ യക്ഷഗാന കലാകാരന്മാര്‍. എന്നാല്‍ ലോക് ഡൗണ്‍ നിര്‍ദ്ദേശം കാരണം പരിപാടി വേദികളില്‍ മുടങ്ങിയിരിക്കുകയാണ്.

Also Read: ആദ്യ കൊവിഡ് മരണവും, ലോക് ഡൗണും; വരും ദിവസങ്ങളിൽ എന്ത് സംഭവിക്കും?

എന്നാല്‍ ഒറ്റ ദിവസത്തെശ്രമം കൊണ്ട് നിര്‍മ്മിച്ച 'കൊറൊണാ യക്ഷ ജാഗൃതി' യക്ഷഗാനം സോഷ്യല്‍ മീഡിയയില്‍ ഇതിനകം തന്നെ വൈറലാവുകയാണ്. കൊറോണാസുരന്റെ അട്ടഹാസവും മനുഷ്യന്റെ ആര്‍ത്തിയും അഹങ്കാരവും പരാമര്‍ശിച്ച് നീളുന്ന കഥയില്‍ കഥാപാത്രങ്ങളുടെ സംഭാഷണം വൈറസ് പടരുന്ന രീതി, നിയന്ത്രണം എന്നിവയെ കുറിച്ച് പ്രതിപാദിക്കുന്നുണ്ട്. യക്ഷഗാന കലാകാരനായ സിരി ബാഗിലു വെങ്കപ്പയ്യ പ്രതിഷ്ഠാനയാണ് യക്ഷഗാനം ചിട്ടപ്പെടുത്തിയത്.

Also Read: വയനാട് ജില്ലാ ആശുപത്രിയിലെ വിവാദ നിയമനം റദ്ദാക്കി; ഡോക്ടര്‍ക്കെതിരെ കേസ്, ആശുപത്രി ജീവനക്കാര്‍ നിരീക്ഷണത്തില്‍

കര്‍ണ്ണാടക യക്ഷഗാന അക്കാദമി അധ്യക്ഷന്‍ എം.എ ഹെഗഡെയുടെയും യോഗീഷ് റാവ് ചിഗുരുവാദെ ടെയും നേതൃത്വത്തിലാണ് യക്ഷഗാനം ഡൊക്യുമെന്റ് ചെയ്തത്. പ്രശസ്ത യക്ഷഗാന കവി ശ്രിധര ഡിഎസ്സും അക്കാദമി ചെയര്‍മാന്‍ എം എ ഹെഗ്ഗഡയും ചേര്‍ന്നാണ് പാട്ടുകള്‍ രചിച്ചത്. ഒരുമണിക്കൂര്‍ ദൈര്‍ഘ്യമുള്ള പരിപാടിയില്‍ കേരളീയരായ 50ഓളം കലാകാരന്മാരാണ് ഇതില്‍ അഭിനയിച്ചത്.