വിവാഹിതനായ ശേഷവും നിരന്തര ഭീഷണി, യുവതി കുളത്തില്‍ ചാടി ജീവനൊടുക്കി! മുൻ കാമുകനെതിരെ ഡയറിയില്‍ ആത്മഹത്യാക്കുറിപ്പ്

മംഗളൂരു: മുൻ കാമുകൻ്റെ ഭീഷണിയെ തുടര്‍ന്ന് പുത്തൂരിലെ സ്വകാര്യ ആശുപത്രിയില്‍ റിസപ്ഷനിസ്റ്റായ യുവതി കുളത്തില്‍ ചാടി ജീവനൊടുക്കി. മുൻ കാമുകൻ്റെ ഭീഷണി കാരണമാണ് താന്‍ ആത്മഹത്യ ചെയ്യുന്നതെന്ന് ചൂണ്ടിക്കാട്ടി കുറിപ്പ് എഴുതിയിരുന്നു. സംപാജെയിലെ ബാലകൃഷ്ണ ഗൗഢയുടെ മകള്‍ മധുശ്രീയാണ് (26) മരിച്ചത്. ബുധനാഴ്ച ഉച്ചയോടെയാണ് സാമ്പ്യ കോല്യയിലെ കുളത്തില്‍ നിന്ന് മൃതദേഹം കണ്ടെത്തിയത്.

Also Read: നൂറ്റാണ്ടുകള്‍ പഴക്കമുള്ള പുതിയകുളം... 10 ലക്ഷം മുടക്കിയപ്പോൾ ഭാവം മാറി! തകര്‍ന്ന കല്‍പ്പടവും ചുറ്റുമതിലും പഴങ്കഥ

ലോക്ക് ഡൗണ്‍ ആയതിനാല്‍ ആശുപത്രി ഹോസ്റ്റലില്‍ ആണ് താമസിക്കുന്നത്. നേരത്തെ യുവതി മുത്തശിയുടെ സംപാജെയിലെ വീട്ടില്‍ താമസിച്ചിരുന്നു. ഉച്ചഭക്ഷണത്തിന് ശേഷം തോട്ടം കാണാന്‍ പോകുന്നതായി മുത്തശിയോട് പറഞ്ഞാണ് വീട്ടില്‍ നിന്നും ഇറങ്ങിയത്. പിന്നീട് ഉച്ചയ്ക്ക് ഒന്നരയോടെ കാണാതാവുകയായിരുന്നു. അന്വേഷണത്തിനൊടുവില്‍ വീടിന് പരിസരത്തെ കുളത്തിലാണ് മൃതദേഹം കണ്ടത്.

Also Read: 17കാരിയെ സ്നേഹം നടിച്ച് വലയിലാക്കി, പിന്നീട് പീഡനം... ബദിയടുക്കയില്‍ 21കാരന്‍ അറസ്റ്റില്‍

സംഭവത്തെ കുറിച്ച് വിട്ടല്‍ പോലീസ് പറയുന്നത് ഇതാണ്, അഞ്ച് വര്‍ഷം മുൻപ് ദേവിചരണ്‍ എന്നയാളുമായി യുവതി പ്രണയത്തിലായിരുന്നു. പിന്നീട് കഴിഞ്ഞ ജൂണില്‍ യുവതിയുടെ എതിര്‍പ്പ് വകവെക്കാതെ മറ്റൊരു യുവതിയെ വിവാഹം കഴിച്ചിരുന്നു. വിവാഹിതനായ ശേഷവും അയാള്‍ തന്നെ പിന്തുടര്‍ന്ന് ഭീഷണിപ്പെടുത്തുന്നുവെന്നും യുവതി ഡയറിയില്‍ കുറിച്ചതായി പോലീസ് പറഞ്ഞു. മറ്റാരെയെങ്കിലും വിവാഹം കഴിച്ചാല്‍ കൊന്നുകളയുമെന്ന് ഭീഷണിപ്പെടുത്തുകയും ചെയ്തു. ഈ കുറിപ്പ് അടിസ്ഥാനമാക്കി യുവതിയുടെ അമ്മാവന്‍ നല്‍കിയ പരാതിയില്‍ വിട്ടല്‍ പോലീസ് കേസെടുത്തു. മൃതദേഹം പോസ്റ്റുമോര്‍ട്ടത്തിന് ശേഷം വ്യാഴാഴ്ച ഉച്ചയോടെ സംപാജെയില്‍ സംസ്‌കരിച്ചു.


കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ