കൊല്ലം(Kollam): 47കാരനെ രണ്ട് അംഗ സംഘം ക്രൂരമായി മര്ദ്ദിച്ച് കൊലപ്പെടുത്താൻ ശ്രമിച്ച കേസിൽ രണ്ട് പേരെ കൊല്ലം ഏരൂർ പോലീസ് അറസ്റ്റ് ചെയ്തു. കൊല്ലം അഞ്ചൽ അയിലറ വിഷ്ണു ഭവനിൽ അനിൽ കുമാർ(52) , അയിലറ ഷിബു ഭവനിൽ ബിജു വർഗീസ്(50) എന്നിവരെയാണ് ഏരൂർ പോലീസ് അറസ്റ്റ് ചെയ്തത്. കഴിഞ്ഞ പത്താം തീയതി രാത്രി 9. 30 യോടെ അയിലറയിൽ ഉത്സവം കാണാനെത്തിയ അയിലറ ചരിവിള പുത്തൻവീട്ടിൽ ഷാജുദിനെയാണ്(47) ഇരുവരും അക്രമിച്ചു കൊലപ്പെടുത്താൻ ശ്രമിച്ചത്.
ഭാര്യയോട് മോശമായി പെരുമാറിയത് ചോദ്യം ചെയ്തു; ഭര്ത്താവിനെ കുത്തിക്കൊന്ന് അയല്വാസി
കൊല്ലം(Kollam): കൊല്ലത്ത് ഭാര്യയോട് മോശമായി പെരുമാറിയത് ചോദ്യം ചെയ്ത ഭര്ത്താവിനെ അയല്വാസി കുത്തിക്കൊലപ്പെടുത്തി. കൊല്ലം കടയ്ക്കല് കാറ്റാടിമുക്കില് വെള്ളിയാഴ്ച രാത്രി പത്ത് മണിയോടെയാണ് സംഭവം നടന്നത്. കാറ്റിമുക്ക് പേരയത്ത് കോളനിയിലിലെ ജോണിയെന്ന ജോണ്സനാണ് കൊല്ലപ്പെട്ടത്. കൃത്യത്തിന് ശേഷം ഒളിവില് പോയ അയല്വാസി ബാബുവിനെ കടയ്ക്കല് പോലീസ് അറസ്റ്റ് ചെയ്തു.
കഴിഞ്ഞ കുറച്ച് നാളുകളായി ജോണ്സണിന്റെ ഭാര്യയോട് ബാബു അപമര്യാദയായി പെരുമാറുന്നുവെന്നാണ് ആരോപണം. പലതവണ ഭാര്യയോട് അനാവശ്യം പറഞ്ഞത് ചോദ്യം ചെയ്യാന് എത്തിയതായിരുന്നു ജോണ്സണ്. ഇതിന് പിന്നാലെ രാത്രിയോടെ മദ്യപിച്ചെത്തിയ ബാബു വീടിന് സമീപത്ത് വെച്ച് ജോണ്സണെ കുത്തി വീഴ്ത്തുകയായിരുന്നു. കുത്തി കൊണ്ട് ഓടിയ ജോണ്സണ് വീടിനകത്ത് എത്തി കമഴ്ന്ന് വീഴുകയായിരുന്നു.
Topic: Eroor Man attack, Kollam News, Anchal Attack