കൊല്ലത്ത് 569 പേർക്ക് കൊവിഡ്; ഇതുവരെയുള്ള ഏറ്റവും ഉയർന്ന രോഗ നിരക്ക്, രോഗം സ്ഥിരീകരിച്ചവരില്‍ ആരോഗ്യ പ്രവര്‍ത്തകരും

കൊല്ലം: ആറ് ആരോഗ്യ പ്രവർത്തകർ ഉൾപ്പടെ 569 പേർക്ക് വെള്ളിയാഴ്ച ജില്ലയിൽ കൊവിഡ് സ്ഥിരീകരിച്ചു. ജില്ലയിൽ ഇതുവരെയുള്ള ഏറ്റവും ഉയർന്ന രോഗനിരക്കാണിത്. സമ്പർക്കം വഴി 552 പേർക്കാണ് രോഗം ബാധിച്ചത്. വിദേശത്ത് നിന്നെത്തിയ നാല് പേർക്കും ഇതര സംസ്ഥാനങ്ങളിൽ നിന്നെത്തിയ ഏഴ് പേർക്കും രോഗം ബാധിച്ചു. കൊല്ലം കോർപ്പറേഷൻ പരിധിയിൽ മാത്രം 155 പേർക്ക് രോഗ ബാധയുണ്ടായി. കോർപ്പറേഷനിലെ തിരുമല്ലവാരം, തട്ടാമല, ചാത്തിനാംകുളം, തങ്കശേരി, പള്ളിത്തോട്ടം, പള്ളിമുക്ക്, തേവള്ളി മേഖലകളിൽ രോഗ വ്യാപനം കൂടുതലാണ്.

Also Read: ശബരിമലയിൽ മണ്ഡല-മകരവിളക്കിന് ഒരുക്കങ്ങൾ ആരംഭിച്ചു; ദർശനം വെർച്വൽ ക്യൂ വഴിമാത്രം, തിങ്കളാഴ്ച ഉന്നതതല യോഗം

ആലപ്പാട് 55, കരുനാഗപ്പള്ളി 40, കുലശേഖരപുരം 24, പടപ്പക്കര 23, ശാസ്താംകോട്ട 21, ശൂരനാട് 21 എന്നിങ്ങനെയാണ് ജില്ലയിൽ ഉയർന്ന രോഗ നിരക്ക് ഉണ്ടായ മറ്റ് മേഖലകൾ. വെള്ളിയാഴ്ച 207 പേർ രോഗമുക്തി നേടിയതാണ് ആശ്വസിക്കാനുള്ളത്. സെപ്റ്റംബർ മൂന്നിന് മരിച്ച വാഴത്തോപ്പ് സ്വദേശി ജോർജ് (69), 18 ന് മരിച്ച കൊല്ലം സ്വദേശി സദാശിവൻ (90), 23 ന് മരിച്ച ചടയമംഗലം സ്വദേശി വാവാകുഞ്ഞ് (68) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.

Also Read: ഈരയിൽക്കടവിൽ എന്നുവരും വെളിച്ചം? ഇരുട്ടിൻ്റെ മറവിൽ മാലിന്യം തള്ളൽ അതിരൂക്ഷം; ചാക്ക് കണക്കിന് കോഴിമാലിന്യം തള്ളി!

കായംകുളം താലൂക്ക് ആശുപത്രിയിലെ ജീവനക്കാരിയായ ചവറ പയ്യലക്കാവ് സ്വദേശിനി (53), കൊല്ലം ജില്ലാ ആശുപത്രിയിലെ കൊല്ലം താലൂക്ക് നഗർ സ്വദേശിനി(49) , കൊട്ടിയത്തെ സ്വകാര്യ ആശുപത്രിയിലെ കൊല്ലം മുണ്ടയ്ക്കൽ സ്വദേശി(31), കൊല്ലത്തെ സ്വകാര്യ ആശുപത്രിയിലെ കൊല്ലം കാവനാട് കുരീപ്പുഴ സ്വദേശിനി(55), കൊല്ലം പുന്നത്തല എൻഎൻ നഗർ സ്വദേശിനി(25), കൊല്ലത്തെ സ്വകാര്യ മെഡിക്കൽ കോളേജിലെ പരവൂർ നെടുങ്ങോലം സ്വദേശിനി (28) എന്നവരാണ് കൊവിഡ് സ്ഥിരീകരിച്ച ആരോഗ്യ പ്രവർത്തകർ.


കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ