കൊല്ലത്ത് അയൽവാസികൾ തമ്മിൽ അതിർത്തി തർക്കത്തെ ചൊല്ലി അടിപിടി; ഒരാൾ മരിച്ചു

കൊല്ലം: കൊല്ലം പുനലൂർ കരവാളൂരിൽ അയൽവാസികൾ തമ്മിൽ അതിർത്തി തർക്കത്തെ ചൊല്ലി അടിപിടി. സംഘര്‍ഷത്തില്‍ ഒരാള്‍ മരിച്ചു. ചരുവിള പുത്തൻ വീട്ടിൽ നെപ്പോളിയൻ ആണ് മരിച്ചത്. കൊലപാതകവുമായി ബന്ധപ്പെട്ട് അയൽവാസിയായ രത്നാകരനെ പോലീസ് അറസ്റ്റ് ചെയ്തു.

Also Read: വീണ വിജയനും മുഹമ്മദ് റിയാസിനും മംഗളാശംസകള്‍ നേര്‍ന്ന് നേതാക്കള്‍; വിവാഹ ചിത്രങ്ങള്‍ കാണാം

ഇന്നലെ രാത്രി ഏഴരയോടെയാണ് സംഭവം നടന്നത്.ഇരുവരും ഒരുപാട് കാലമായി വഴിത്തര്‍ക്കവുമായി ബന്ധപ്പെട്ട് പ്രശ്നങ്ങള്‍ നിലനിന്നിരുന്നു. കഴിഞ്ഞ ദിവസം പ്രശ്നം അടിപിടിയില്‍ കലാശിക്കുകയായിരുന്നെന്ന് പോലീസ് പറയുന്നു.

Also Read: ശ്രീകാര്യത്ത് യുവാവിന്‍റെ മൃതദേഹം കെട്ടിത്തൂക്കിയ നിലയില്‍; കൊലപാതകമെന്ന് സൂചന

പതിവ് പോലെ ഇരുവരും തമ്മിൽ കഴിഞ്ഞ ദിവസം ഉന്തും തള്ളുമുണ്ടായിരുന്നു. ആദ്യം നാട്ടുക്കാര്‍ ഇടപ്പെട്ട് പ്രശ്നം പരിഹരിച്ചെങ്കിലും ഇരുവരും വീടിന് സമീപത്ത് എത്തിയപ്പോള്‍ വീണ്ടും തര്‍ക്കമുണ്ടായി. രത്നാകരന്‍റെ അടിയേറ്റ് നെപ്പോളിയന്‍ ബോധം കെട്ട് വീഴുകയായിരുന്നു. ഉടന്‍ തന്നെ നാട്ടുക്കാര്‍ ആശുപത്രിയില്‍ എത്തിച്ചെങ്കിലും മരണപ്പെട്ടിരുന്നു. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.