കൊവിഡിനെ തോൽപ്പിച്ച് 93 കാരൻ കൃഷ്‌ണനും 90 കാരി കമലാക്ഷി അമ്മയും; പൂച്ചെണ്ടുകൾ നൽകി ആരോഗ്യ പ്രവർത്തകർ

കൊല്ലം: കൊവിഡ് ഭേദമായി കൃഷ്‌ണനും കമലാക്ഷി അമ്മയും ജില്ലാ ആശുപത്രിയിൽ നിന്ന് വീടുകളിലേക്ക് മടങ്ങി. മതിലിൽ സ്വദേശി കൃഷ്‌ണനും (93), പട്ടാഴി സ്വദേശിനി കമലാക്ഷി അമ്മയും (90) കഴിഞ്ഞ രണ്ട് ആഴ്‌ചയിലേറെയായി ജില്ലാ ആശുപത്രിയിൽ ചികിത്സയിലായിരുന്നു. 90 വയസിന് മുകളിൽ പ്രായമുള്ള രോഗികൾ കൊവിഡ് മുക്തരായി വീടുകളിലേക്ക് മടങ്ങുന്നത് ജില്ലയിലെ കൊവിഡ് പ്രതിരോധ പ്രവർത്തനങ്ങളുടെ മികവിന്റെ അടയാളമായി മാറുകയാണ്.

Also Read: ബൈക്കിന്‍റെ അമിത വേഗത ചോദ്യം ചെയ്‌തു; വയോധികനെ യുവാവ് അടിച്ച് കൊന്നു
ഹിപ് ഫ്രാക്ചറിനെ തുടർന്ന് ചികിത്സയിലിരിക്കെ ആണ് കൃഷ്‌ണന് കൊവിഡ് രോഗം സ്ഥിരീകരിക്കുന്നത്. തുടർന്നാണ് ജില്ലാ ആശുപത്രിയിലെ കൊവിഡ് ചികിത്സാ കേന്ദ്രത്തിലേക്ക് മാറ്റിയത്. ഇടതു കൈയുടെ ഒടിവ് നേരെയാക്കാനുള്ള ശസ്ത്രക്രീയയുമായി ബന്ധപ്പെട്ട് കൊട്ടാരക്കര താലൂക്ക് ആശുപത്രിയിലെത്തിയതായിരുന്നു കമലാക്ഷി അമ്മ. ശസ്ത്രക്രിയയ്‌ക്ക് മുൻപ് നടത്തിയ കൊവിഡ് പരിശോധനയിലാണ് രോഗം സ്ഥിരീകരിച്ചത്. തുടർന്ന് ജില്ലാ ആശുപത്രിയിലേക്ക് മാറ്റി. ഇരുവർക്കും പ്രത്യേക പരിചരണവും കൂടുതൽ ശ്രദ്ധയും ആരോഗ്യ പ്രവർത്തകർ ചികിത്സാ കാലയളവിൽ നൽകിയിരുന്നു.

Also Read: ഡിവൈഎഫ്ഐ പ്രവർത്തകരുടെ കൊലപാതകം; പ്രതിഷേധങ്ങൾക്കിടെ കൊല്ലത്ത് സംഘർഷം, ഡിസിസി ഓഫീസിന് നേരെ ആക്രമണം

കൊവിഡ് ഭേദമായി വീടുകളിലേക്ക് മടങ്ങിയ ഇരുവരെയും ആരോഗ്യ പ്രവർത്തകർ പൂച്ചെണ്ടുകൾ നൽകിയാണ് ആദരിച്ചത്. ഡോ. അനിരുപ് ശങ്കർ, മെഡിസിൻ മേധാവിയായ ഡോ. ഫിൽസൺ, ഡോ. ഗിരീഷ് ഡോ. അന്നു ആനന്ദ് എന്നിവരുടെ നേതൃത്വത്തിലായിരുന്നു ചികിത്സ. സ്റ്റാഫ് നഴ്സുമാർ, നഴ്സിംഗ് അസിസ്റ്റന്റ്, ഗ്രേഡ് 2 ജീവനക്കാർ എന്നിവരും ചികിത്സാ - പരിചരണ സംഘത്തിന്റെ ഭാഗമായിരുന്നു.

Also Read: തൂശനിലയിൽ സദ്യയുണ്ട് ശാസ്‌താംകോട്ടയിലെ വാനര സംഘം

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ