കൊല്ലം: നാലാം തവണയും ആർഎസ്പിയുടെ സംസ്ഥാന സെക്രട്ടറി പദത്തിലേക്ക് എഎ അസീസ് തെരഞ്ഞെടുക്കപ്പെട്ടു. സെക്രട്ടറി പദത്തിനായ് ഷിബു ബേബി ജോൺ പക്ഷം തർക്കം ഉന്നയിച്ചെങ്കിലും ഭൂരിപക്ഷം പ്രതിനിധികളും അസീസ് തുടരട്ടെ എന്ന് അഭിപ്രായം മുന്നോട്ട് വച്ചതോടെ ഷിബു ബേബീ ജോൺ വിഭാഗം പിന്മാറുകയായിരുന്നു.
കൊല്ലം ഉമയനല്ലൂർ സ്വദേശിയായ അസീസ് ഇരവിപുരം മുൻ എംഎൽഎയാണ്. ആർഎസ്പി ജില്ലാ സെക്രട്ടറി, സംസ്ഥാന സെക്രട്ടേറിയറ്റ് അംഗം, ദേശീയ സമിതി അംഗം, യുടിയുസി സംസ്ഥാന ജനറൽ സെക്രട്ടറി, ഓൾ കേരള കാഷ്യുനട്ട് ഫാക്‌ടറി വർക്കേഴ്‌സ് ഫെഡറേഷൻ ജനറൽ സെക്രട്ടറി എന്നീ സ്‌ഥാനങ്ങൾ വഹിച്ചിട്ടുണ്ട്. സംസ്ഥാനത്തും ദേശീയ തലത്തിലും കോൺഗ്രസ് നേതൃത്വം നൽകുന്ന മതേതര രാഷ്ട്രീയ മുന്നണിയിൽ ഉറച്ചുനിൽക്കാൻ സംസ്ഥാന സമ്മേളനം തീരുമാനിച്ചു, സംസ്ഥാനത്ത് പാർട്ടി സംഘടനാ സംവിധാനം ശക്തിപ്പെടുത്താനുള്ള പരിശ്രമങ്ങൾ തുടരുമെന്ന് അസീസ് പറഞ്ഞു.
കൊല്ലം ഉമയനല്ലൂർ സ്വദേശിയായ അസീസ് ഇരവിപുരം മുൻ എംഎൽഎയാണ്. ആർഎസ്പി ജില്ലാ സെക്രട്ടറി, സംസ്ഥാന സെക്രട്ടേറിയറ്റ് അംഗം, ദേശീയ സമിതി അംഗം, യുടിയുസി സംസ്ഥാന ജനറൽ സെക്രട്ടറി, ഓൾ കേരള കാഷ്യുനട്ട് ഫാക്‌ടറി വർക്കേഴ്‌സ് ഫെഡറേഷൻ ജനറൽ സെക്രട്ടറി എന്നീ സ്‌ഥാനങ്ങൾ വഹിച്ചിട്ടുണ്ട്. സംസ്ഥാനത്തും ദേശീയ തലത്തിലും കോൺഗ്രസ് നേതൃത്വം നൽകുന്ന മതേതര രാഷ്ട്രീയ മുന്നണിയിൽ ഉറച്ചുനിൽക്കാൻ സംസ്ഥാന സമ്മേളനം തീരുമാനിച്ചു, സംസ്ഥാനത്ത് പാർട്ടി സംഘടനാ സംവിധാനം ശക്തിപ്പെടുത്താനുള്ള പരിശ്രമങ്ങൾ തുടരുമെന്ന് അസീസ് പറഞ്ഞു.