ഉറവിടം കണ്ടെത്താനാകാത്ത കൊവിഡ് കേസുകൾ; കൊല്ലം നഗരത്തിലുൾപ്പെടെ കൂടുതൽ കണ്ടെയ്ൻമെന്‍റ് സോണുകൾ!

കൊല്ലം: ഉറവിടം കണ്ടെത്താനാകാത്ത കൊവിഡ് കേസുകൾ റിപ്പോർട്ട് ചെയ്‌ത സാഹചര്യത്തിൽ കൊല്ലം നഗരത്തിലുൾപ്പെടെ കൂടുതൽ മേഖലകൾ കണ്ടെയ്ൻമെന്‍റ് സോണുകളാക്കി. കൊല്ലം കോർപ്പറേഷനിലെ മുളങ്കടകം ഡിവിഷൻ, കൊട്ടാരക്കര മുനിസിപ്പാലിറ്റിയിലെ മുസ്ലീം സ്ട്രീറ്റ്, ചന്തമുക്ക്, പഴയ തെരുവ്, കോളേജ്, പുലമൺ ഠൗൺ , മേലില പഞ്ചായത്തിലെ 15-ാം വാർഡ് എന്നിവിടങ്ങളാണ് പുതിയ കണ്ടെയ്ൻമെന്‍റ് സോണുകൾ.

Also Read: തിരുവനന്തപുരം അഗ്‌നിപര്‍വതത്തിന് മുകളിലെന്ന് കടകംപള്ളി; ക്വാറന്‍റൈനിലുള്ള പ്രതികള്‍ ചാടിപ്പോയി!!

തൃക്കോവിൽവട്ടം പഞ്ചായത്തിലെ 6,7,9 വാർഡുകൾ, ഇട്ടിവ പഞ്ചായത്തിലെ 17-ാം വാർഡ്, പുനലൂർ മുനിസിപ്പാലിറ്റിയിലെ ചെമ്മന്തൂർ, മുസാവരി, നെടുങ്കയം ,ചാലക്കോട് ടൗൺ , തേവലക്കര പഞ്ചായത്തിലെ എട്ടാം വാർഡ് , തെന്മല പഞ്ചായത്തിലെ ഏഴാം വാർഡ് എന്നിവിടങ്ങളിൽ ഏർപ്പെടുത്തിയിരുന്ന കണ്ടെയ്ൻമെന്‍റ് സോൺ നിയന്ത്രണങ്ങൾ തുടരും.

Also Read: പാഠം ഒന്ന് ഇമ്മിണി ബല്യ കൊറോണ!! വൈക്കം മുഹമ്മദിന്‍റെ കഥാപാത്രങ്ങളുമായി സ്കൂള്‍ വിദ്യാര്‍ത്ഥികളുടെ ഹ്രസ്വചിത്രം ശ്രദ്ധേയമാകുന്നു

അഴീക്കൽ ഹാർബറിൽ എത്തിയിരുന്ന മത്സ്യത്തൊഴിലാളിയുമായി സമ്പർക്കമുള്ളയാൾക്ക് കഴിഞ്ഞ ദിവസം കൊവിഡ് സ്ഥിരീകരിച്ചതിനെ തുടർന്ന് ഹാർബർ അടച്ചിടാൻ ജില്ലാ കള്കടർ നിർദേശിച്ചു. മത്സ്യത്തൊഴിലാളിയുമായി സമ്പർക്കത്തിലുള്ള നിരവധി പേർ ഹാർബറിലും കാന്റീനിലും എത്തിയെന്ന പോലീസിന്‍റെയും ആരോഗ്യ വകുപ്പിന്റെയും റിപ്പോർട്ടിനെ തുടർന്നാണ് നടപടി.

കണ്ടെയ്ൻമെന്‍റ് സോണുകളിലെ നിയന്ത്രണങ്ങൾ

1. മേഖലയിലെ പാതു സ്ഥലങ്ങളിൽ മൂന്ന് പേരിൽ കൂടുതൽ കൂട്ടം ചേരാൻ പാടില്ല

2. വ്യാപാര സ്ഥാപനങ്ങളിൽ ഒരേ സമയം രണ്ട് ഉപഭോക്താക്കൾ മാത്രം

3. വഴിയോര കച്ചവടം, ചായക്കടകൾ, ജ്യൂസ് സ്റ്റാളുകൾ എന്നിവ പ്രവർത്തിക്കാൻ പാടില്ല

4. അവശ്യ വസ്തുക്കൾ വിൽക്കുന്ന കടകൾക്ക് രാവിലെ 7 മുതൽ രാത്രി 7 വരെ പ്രവർത്തിക്കാം

5. പ്ലാന്റേഷൻ, നിർമ്മാണ മേഖലകളിൽ അന്യ സംസ്ഥാന തൊഴിലാളികളെ കൊണ്ടുവരാൻ പാടില്ല

6. വീടുകൾ കയറി ഇറങ്ങിയുള്ള കച്ചവടം കർശനമായി നിരോധിക്കും