എൻജിനിയറിങ്ങ് നാലാം റാങ്കും ഫാർ‌മസി മൂന്നാം റാങ്കും; കൊല്ലത്ത് ഒന്നാമൻ ആദിത്യ ബൈജു!

കൊല്ലം: എൻജിനിയറിങ്ങ് പ്രവേശന പരീക്ഷയിൽ നാലാം റാങ്ക് നേടിയ ഡീസന്റ് ജംഗ്ഷൻ വെറ്റിലത്താഴം മേലേമഠത്തിൽ ആദിത്യ ബൈജു ജില്ലയുടെ അഭിമാനമാവുകയാണ്. ഫാർമസി മൂന്നാം റാങ്ക് നേട്ടവും സ്വന്തമാക്കിയ ആദിത്യ ജില്ലയിലെ ഒന്നാമനാണ്. കൊവിഡ് പ്രതിസന്ധികൾക്കിടയിലും ചിട്ടയായ പഠനവും പരിശീലനവും പിന്തുടർന്നതിന്റെ അടയാളമാണ് ആദിത്യയുടെ റാങ്ക് നേട്ടം. Also Read: കാൽ ശസ്ത്രക്രിയക്ക് വിധേയായ 7 വയസുകാരി മരിച്ചു; കാരണം ഹൃദയസ്തംഭനമെന്ന് ആശുപത്രി അധികൃതർ മരിച്ചു

ഐഐടി ജെഇഇ മെയിൻ പരീക്ഷയിൽ അഖിലേന്ത്യാ തലത്തിൽ 101-ാം റാങ്ക് നേടിയ ആദിത്യ അന്ന് സംസ്ഥാനത്തെ രണ്ടാമനായിരുന്നു. നാഷണൽ ടാലന്റ് സെർച്ച് എക്സാമിനേഷൻ ( എൻ.ടി.എസ്.ഇ ) സ്കോളറാണ്. കോട്ടയം മാന്നാനം കുര്യാക്കോസ് ഏലിയാസ് ഇംഗ്ലീഷ് മീഡിയം സ്‌കൂളിലാണ് പ്ലസ് ടു പഠനം നടത്തിയത്. കെ.എസ്.ഇ.ബി അസി.എക്സിക്യൂട്ടീവ് എൻജിനിയറായ ആർ. ബൈജുവിന്റെയും കൊല്ലം അമർദീപ് ഐ കെയർ ആശുപത്രിയിലെ ഡോ. നിഷ എസ്. പിള്ളയുടെയും മകളാണ്. സഹോദരൻ അഭിനവ് പത്താം ക്ലാസ് വിദ്യാർത്ഥിയാണ്.

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ