ബൈക്കിന്‍റെ ഹെഡ്‌ലൈറ്റ് പ്രകാശം കണ്ണില്‍ തട്ടി; യാത്രക്കാരനെ വെട്ടിപരിക്കേല്‍പ്പിച്ചു

ബൈക്കിന്‍റെ ഹെഡ്‌ലൈറ്റിന്‍റെ പ്രകാശം കണ്ണില്‍ തട്ടിയെന്ന് ആരോപിച്ച് യാത്രക്കാരെ കൊലപ്പെടുത്താന്‍ ശ്രമിച്ചയാളെ പോലീസ് അറസ്റ്റ് ചെയ്തു. കുണ്ടറ പോലീസ് ആണ് യുവാവിനെ അറസ്റ്റ് ചെയ്തത്. സന്തോഷ് കോട്ടേജില്‍ പ്രദീപ് ജില്ലാരിയോസ് എന്ന ആള്‍ ആണ് പോലീസ് പിടിയിലായത്.

Also Read: ഇന്ത്യ വീണ്ടും യുഎൻ രക്ഷാസമിതിയിൽ; തെരഞ്ഞെടുക്കപ്പെട്ടത് എതിരില്ലാതെ

പടപ്പക്കര സെന്‍റ് ജോസഫ് പള്ളിക്കുസമീപം ലെനിന്‍ ഭവനില്‍ പ്രവീണ്‍ വില്‍ഫ്രഡിനാണ് കൊടുവാള്‍കൊണ്ടുള്ള വെട്ടേറ്റത്. ബൈക്കില്‍ യാത്ര ചെയ്ത പ്രവീണിനെ തടഞ്ഞുനിര്‍ത്തി വെട്ടുകയായിരുന്നു.

Also Read: ആഗോള കൊവിഡ് മരണം 4.51 ലക്ഷം കടന്നു; അമേരിക്കയിൽ മാത്രം 1.19 ലക്ഷം മരണങ്ങൾ

കൈയില്‍ ഗുരുതരമായി പരിക്കേറ്റ പ്രവീണ്‍ ആശുപത്രിയില്‍ ചികിത്സയിലാണ്. പ്രതി മദ്യ ലഹരിയിലായിരുന്നോ എന്ന് വ്യക്തമല്ല. സംഭവത്തിന് ശേഷം ഒളിവില്‍ പോയ പ്രദീപിനെ കുണ്ടറ പോലീസ് കഴിഞ്ഞ ദിവസം അറസ്റ്റ് ചെയ്തു.