പശുവിൻ്റെ കയറിൽ കുരുങ്ങി കൈവിരലറ്റു; 7 മണിക്കൂർ നീണ്ട ശസ്ത്രക്രിയയിലൂടെ തുന്നിചേർത്തു

കൊല്ലം: പശുവിൻ്റെ കയറിൽ കുരുങ്ങി അറ്റുപോയ കൈവിരൽ ഏഴ് മണിക്കൂർ നീണ്ട ശസ്ത്രക്രിയയിലൂടെ തുന്നിചേർത്തു. അഞ്ചൽ പെരുമണ്ണൂർ സ്വദേശി അനിൽ കുമാറിന്റെ (52) വലതു കൈയിലെ തള്ള വിരലാണ് ഇന്ന് രാവിലെ പശുവിൻ്റെ കയറിൽ കുരുങ്ങി അറ്റ് പോയത്.

Also Read: റംസിയുടെ ആത്മഹത്യ അന്വേഷിക്കാന്‍ ഇനി 'കൂടത്തായി ഹീറോ' ; നടിയെ കണ്ടെത്തണമെന്ന് ആവശ്യം

കൊല്ലത്തെ സഹകരണ ആശുപത്രിയിലെ പ്ലാസ്റ്റിക് ആൻ്റ് റീകൺസ്ട്രക്ടീവ് വിഭാഗത്തിലെ ഡോക്ടർമാർ ഏഴ് മണിക്കൂർ നീണ്ട മൈക്രോസർജറിയിലൂടെയാണ് വിരൽ തുന്നി ചേർത്തത്. ഹൈ റെസലൂഷനിലുള്ള ഓപ്പറേറ്റിംഗ് മൈക്രോസ്‌കോപ്പിൻ്റെ സഹായത്തോടെയൊണ് വിരലിലെ ചതഞ്ഞ് മണ്ണ് പറ്റിയ ഭാഗങ്ങൾ നീക്കം ചെയ്‌തത്.

Also Read: യുവമോർച്ചയുടെ കൊല്ലം കളക്ടറേറ്റ് വളയൽ സമരത്തിന് നേരെ ഗ്രനേഡ്; 7 പ്രവർത്തകർക്ക് പരിക്കേറ്റു

ഒരു എംഎം വ്യാസമുള്ള സ്റ്റെയിൻലെസ് സ്റ്റീൽ കമ്പിയിട്ടാണ് എല്ലുകൾ ഉറപ്പിച്ചത്. തുടർന്ന് ചലിക്കുന്ന ഞരമ്പുകൾ, നേർവുകൾ തുടങ്ങിയവ പൂർവ സ്ഥിതിയിലാക്കി. രക്തക്കുഴൽ ചതഞ്ഞ് പോയതിനാൽ കൈത്തണ്ടയിലെ രക്തക്കുഴലുകൾ എടുത്താണ് ഇവിടെ ഗ്രാഫ്ട് ചെയ്തത്. ഒരു എംഎമ്മിന് താഴെ വലിപ്പമുള്ള രക്തക്കുഴലുകൾ പത്തിലൊന്നിന് എംഎം വലിപ്പമുള്ള നൂല് കൊണ്ട് ഓപ്പറേറ്റിംഗ് മൈക്രോസ്കോപ്പിന്റെ സഹായത്തോടെ 25 ഇരട്ടിയോളം വലിപ്പത്തിൽ മാഗ്‌നിഫൈ ചെയ്താണ് ശസ്ത്രക്രിയ പൂർത്തീകരിച്ചത്. ഏതാനും ആഴ്‌ചകളിലെ ചികിത്സയിലൂടെ അനിലിന് കൈവിരലുകൾ വീണ്ടും ചലിപ്പിക്കാനാകും.


കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ