ബിന്ദു കൃഷ്ണയുടെ ഇൻസ്റ്റാഗ്രാം അക്കൗണ്ട് ഹാക്ക് ചെയ്യപ്പെട്ടു; പണം ആവശ്യപ്പെട്ട് മെസേജ് വന്നാൽ ശ്രദ്ധിക്കണമെന്ന് കോൺഗ്രസ് നേതാവ്

കൊല്ലം: കോൺഗ്രസ് നേതാവും എഐസിസി അംഗവുമായ ബിന്ദു കൃഷ്ണയുടെ ഇൻസ്റ്റാഗ്രാം അക്കൗണ്ട് ഹാക്ക് ചെയ്യപ്പെട്ടു. അക്കൗണ്ട് വീണ്ടെടുക്കാൻ ഹാക്കർ തന്നോട് തന്നെ പണം ആവശ്യപ്പെട്ടെന്ന് ബിന്ദു കൃഷ്ണ പറഞ്ഞു. ഇൻസ്റ്റാഗ്രാം അക്കൗണ്ട് ഹാക്ക് ചെയ്യപ്പെട്ട വിവപം ഫേസ്ബുക്ക് പോസ്റ്റിലൂടെയാണ് ബിന്ദു കൃഷ്ണ പങ്കുവെച്ചത്. പണം ആവശ്യപ്പെട്ടുകൊണ്ടുള്ള സന്ദേശങ്ങൾ നിങ്ങൾക്ക് ലഭിച്ചാൽ പ്രതികരിക്കേണ്ടതില്ല. തന്‍റെ അക്കൗണ്ടിലൂടെ ആർക്കെങ്കിലും എന്തെങ്കിലും ബുദ്ധിമുട്ട് ഉണ്ടായാൽ അതിന് മുൻകൂറായി ക്ഷമ ചോദിക്കുകയാണെന്നും കോൺഗ്രസ് നേതാവ് പറഞ്ഞു.

Also Read : നെഞ്ചുവേദനയെ തുടർന്ന് സ്റ്റേഷനിൽ കുഴഞ്ഞുവീണു; താമരശേരിയിൽ എസ്ഐ മരിച്ചു

ബിന്ദു കൃഷ്ണയുടെ ഫേസ്ബുക്ക് പോസ്റ്റ് പൂർണ്ണരൂപത്തിൽ വായിക്കാം

"പ്രിയപ്പെട്ട സുഹൃത്തുക്കളെ,
കഴിഞ്ഞ ദിവസം എന്‍റെ ഇൻസ്റ്റാഗ്രാം അക്കൗണ്ട് ഹാക്ക് ചെയ്യുകയും അക്കൗണ്ട് വീണ്ടെടുക്കാൻ എന്നോട് തന്നെ ഹാക്കർ പണം ആവശ്യപ്പെടുകയും ചെയ്തു.

എന്‍റെ ഇൻസ്റ്റാഗ്രാം അക്കൗണ്ടിൽ നിന്നും പണം ഉൾപ്പടെ ആവശ്യപ്പെട്ടുകൊണ്ടുള്ള സന്ദേശങ്ങൾ നിങ്ങൾക്ക് ലഭിച്ചാൽ പ്രതികരിക്കേണ്ടതില്ല എന്ന മുന്നറിയിപ്പ് നൽകാൻ വേണ്ടിയും, ആർക്കെങ്കിലും ബുദ്ധിമുട്ട് ഉണ്ടാകുന്ന എന്തെങ്കിലും പ്രതികരണങ്ങൾ ടി അക്കൗണ്ടിലൂടെ ഉണ്ടായാൽ അതിന് മുൻകൂറായി ക്ഷമ ചോദിക്കാൻ വേണ്ടിയുമാണ് ഈ വിവരം നിങ്ങളുമായി പങ്കുവയ്ക്കുന്നത്.

Also Read : മദ്യപിച്ച് ബഹളം, അന്വേഷിക്കാനെത്തിയ പോലീസിന് നേരെ കല്ലേറും കയ്യേറ്റവും; മൂന്ന് പേർ അറസ്റ്റിൽ

വൈകാതെ അക്കൗണ്ട് വീണ്ടെടുത്ത് നിയന്ത്രണത്തിലാക്കാൻ കഴിയുമെന്നാണ് പ്രതീക്ഷിക്കുന്നത്."

കൊല്ലം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം