ടൂറിന് മുമ്പ് ബസിന് മുകളില് പൂത്തിരി കത്തിച്ച് ആഘോഷം; ഞൊടിയിടയില് തീപടര്ന്നു
വിനോദ യാത്ര പുറപ്പെടുന്നതിന് മുമ്പ് ബസിന് മുകളില് പൂത്തിരി കത്തിച്ചു. കൊല്ലം പെരുമണ് എഞ്ചിനീയറിംഗ് കോളേജില് നിന്ന് നടന്ന വിനോദ യാത്രയ്ക്ക് മുമ്പായാണ് ബസ് ജീവനക്കാര് ബസിന് മുകളില് കയറി നിന്ന് പൂത്തിരി കത്തിച്ചത്. വിനോദയാത്രയ്ക്ക് മുമ്പ് വിദ്യാര്ത്ഥികളെ ആവേശം കൊള്ളിക്കാനായിരുന്നു ബസ് ജീവനക്കാരുടെ അഭ്യാസ പ്രകടനം. പൂത്തിരിയില് നിന്നും ബസിന് മുകളിലേക്ക് തീപടര്ന്നു. ഉടന് തന്നെ അണക്കാനായതോടെ വന് ദുരന്തമാണ് ഒഴിവായത്.
Lipi 3 Jul 2022, 8:13 pm
ഹൈലൈറ്റ്:
- വിനോദയാത്രയ്ക്ക് മുമ്പ് ബസിന് മുകളില് പൂത്തിരി കത്തിച്ചു
- കൊല്ലം പെരുമണ് എഞ്ചിനീയറിംഗ് കോളേജിലെ വിനോദായാത്രയ്ക്ക് മുമ്പായിരുന്നു സംഭവം
- ഒഴിവായത് വന് ദുരന്തം
കൊല്ലം: വിനോദ യാത്ര പുറപ്പെടുന്നതിന് മുമ്പ് ബസിന് മുകളില് അപകടരമായ രീതിയില് അഭ്യാസ പ്രകടനം. ടൂറിന് കൊഴുപ്പേകാന് ബസിന് മുകളില് കയറി നിന്നാണ് ബസ് ജീവനക്കാർ പൂത്തിരി കത്തിച്ചത്. കൊല്ലം പെരുമണ് എന്ജിനിയറിങ് കോളജില് കഴിഞ്ഞ ദിവസമാണ് സംഭവം. പൂത്തിരിയില് നിന്ന് തീ ബസിലേക്ക് പടര്ന്നു.
സംഭവത്തില് കോളജിന് പങ്കില്ലെന്നും ബസ് ജീവനക്കാരാണ് ഉത്തരവാദികളെന്നും പ്രിന്സിപ്പല് പ്രതികരിച്ചു. അധ്യാപകർ വിലക്കിയിട്ടും ബസ് ജീവനക്കാർ പൂത്തിരി കത്തിക്കുകയായിരുന്നുവെന്നും അദ്ദേഹം കൂട്ടിച്ചേർത്തു. ബസ് വയനാട് വഴി കര്ണാടകയിലേക്ക് പോയിരിക്കുകയാണെന്നും ഉടമയെ കണ്ടെത്തിയെന്നും മോട്ടോര് വാഹന വകുപ്പ് ഉദ്യോഗസ്ഥര് പറഞ്ഞു. കൊമ്പൻ എന്ന പേരിലെ ബസാണ് അപകടകരമായ അഭ്യാസപ്രകടനം അരങ്ങേറിയത്.
കൊല്ലം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് പ്രചരിച്ചതോടെ മോട്ടോര് വാഹന വകുപ്പ് അന്വേഷണം തുടരുകയായിരുന്നു. പൂത്തിരി കത്തിച്ചതിന് പിന്നാലെ അതിവേഗം ബസിന് മുകളില് തീ പടരുകയായിരുന്നു. അടുത്തിടെ തിരുവനന്തപുരത്ത് ശബരിമല യാത്രയ്ക്കെത്തിയപ്പോഴും ടൂറിസ്റ്റ് ബസിനെതിരെ നടപടി സ്വീകരിച്ചിരുന്നു. കോളേജ് ടൂറിനിടയില് നടക്കുന്ന ഇത്തരം അഭ്യാസ പ്രകടനങ്ങള്ക്കെതിരെ മുന്പും നടപടി എടുത്തിട്ടുണ്ട്.