ദളിത് ആദിവാസി മഹാസഖ്യം രാഷ്ട്രീയ ശക്തിയായി മാറുന്നു; പ്രഖ്യാപനവുമായി കേരള ദളിത് ഫെഡറേഷൻ

കൊല്ലം: ഇരുപത് ദളിത്- ആദിവാസി സംഘടനകൾ ചേർന്ന് രൂപം നൽകിയ ദളിത്- ആദിവാസി മഹാസഖ്യം രാഷ്ട്രീയ ശക്തിയായി മാറുന്നു. മഹാസഖ്യം രക്ഷാധികാരിയും കേരള ദളിത് ഫെഡറേഷൻ സംസ്ഥാന പ്രസിഡന്‍റുമായ പി.രാമഭദ്രനാണ് രാഷ്ട്രീയ അധികാരം ലക്ഷ്യമിടുന്ന കാര്യം കൊല്ലത്ത് പ്രഖ്യാപിച്ചത്.

സമീപകാലത്ത് നടക്കാനിരിക്കുന്ന തെരഞ്ഞെടുപ്പുകളിൽ മത്സരിക്കുക മാത്രമല്ല ലക്ഷ്യം. ഭാവി കേരളത്തിന്‍റെ അധികാരം ലക്ഷ്യമിടുന്ന തരത്തിൽ മഹാസഖ്യത്തിന്‍റെ പ്രവർത്തനങ്ങൾ വിപുലപ്പെടുത്താനും അതിന്‍റെ ഭാഗമായി എല്ലാ ജില്ലകളിലും നിയോജക മണ്ഡലങ്ങളിലും കമ്മിറ്റികൾ രൂപീകരിക്കാനും പദ്ധതിയിടുന്നുണ്ട്.

Also Read: കൊല്ലം സിപിഐയിലെ പ്രതിഷേധങ്ങൾ പൊട്ടിത്തെറിയിലേക്കോ? ഭിന്നത രൂക്ഷം, സുപാലിനെതിരായ നടപടി നീതികേടെന്ന് ഒരു വിഭാഗം

സാമ്പത്തിക സംവരണത്തെ അനുകൂലിക്കുന്നവർക്കൊപ്പം നിൽക്കാനാകില്ല

സാമ്പത്തിക സംവരണത്തെ അനുകൂലിക്കുന്നവരുമായി ചേർന്ന് നിന്ന് ദളിത് -പിന്നാക്ക വിഭാഗങ്ങളുടെ താത്പര്യങ്ങൾ ശക്തിപ്പെടുത്തുക അസാദ്ധ്യമാണ്. സംശുദ്ധവും സത്യസന്ധവുമായ രാഷ്ട്രീയ വിഷയമായി സംവരണത്തെ ഉയർത്തി കൊണ്ടുവന്നാൽ നിലവിലുള്ള കക്ഷിരാഷ്ട്രീയത്തിന്‍റെ താത്പര്യങ്ങളിൽ നിന്നും മോചിതമാകാൻ തയ്യാറുള്ള അനേകം സംഘടനകളെ ഒപ്പം നിറുത്താൻ കഴിയുമെന്നും ഇവർ കണക്ക് കൂട്ടുന്നു.

Also Read: ആനയടിയുടെ അഴകായി ഇനി പാലയ്‌ക്കത്തറ റാവു ഇല്ല; വിടവാങ്ങിയത് രണ്ട് പതിറ്റാണ്ട് നരസിംഹ മൂർത്തിയുടെ തിടമ്പേറ്റിയ കരിവീരൻ

രാഷ്ട്രീയ ശക്തിയായി മാറുക ലക്ഷ്യം

സംവരണത്തെ രാഷ്ട്രീയ വിഷയമായി സമീപിച്ച് ദളിത് - ആദിവാസി പിന്നാക്ക വിഭാഗങ്ങളെയും അവരുടെ അവകാശ ബോധത്തെയും ഒരു രാഷ്ട്രീയ ലക്ഷ്യബോധത്തിനു പിന്നിൽ അണിനിരത്താനുള്ള ശ്രമങ്ങളാണ് നടത്തുന്നത്. പിന്നീട് ഇത്തരം ജനവിഭാഗങ്ങളെ രാഷ്ട്രീയ ശക്തിയായി മാറ്റിയെടുക്കാൻ പരിശ്രമിക്കും. അഞ്ചോ പത്തോ ഉദ്യോഗങ്ങൾ സമുദായത്തിനു ലഭ്യമാക്കാനുള്ള ഒരു സംവിധാനം മാത്രമല്ല സംവരണമെന്നും സമഗ്രമായ അധികാരലബ്‌ധി തന്നെയാണ് സംവരണമെന്നും സാധാരണ ജനസമൂഹത്തെ പഠിപ്പിക്കും. രാഷ്ട്രീയാധികാരം നേടാൻ കഴിഞ്ഞാൽ ഏതു കാര്യവും നടപ്പിലാക്കാൻ കഴിയുമെന്ന് തമിഴ്‌നാടും ബിഹാറും ഉത്തർപ്രദേശുമൊക്കെ ബോധ്യപ്പെടുത്തുന്നതായും മഹാസഖ്യം നിലപാട് എടുക്കുന്നു.

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ