കൊല്ലം: തൊഴിലാളികളിൽ മിക്കവർക്കും കൊവിഡ് ബാധിച്ചതിനെ തുടർന്ന് കൊല്ലം - തിരുമംഗലം ദേശീയപാതയുടെ നിർമ്മാണം നിർത്തിവച്ചു. അമ്പലത്തുംകാല മുതൽ പുനലൂർ വരെയുളള മൂന്നാംഘട്ട നവീകരണ ജോലികൾ നടക്കുന്നതിനിടെയാണ് തൊഴിലാളികൾക്ക് കൊവിഡ് സ്ഥിരീകരിച്ചത്.
ചേത്തടിയിൽ താമസിച്ചിരുന്ന അന്യസംസ്ഥാന തൊഴിലാളിക്കാണ് ആദ്യം രോഗം സ്ഥിരീകരിച്ചത്. പിന്നീട് മറ്റുള്ളവരിലും രോഗം കണ്ടെത്തി. തുടർന്ന് ആരോഗ്യ വകുപ്പിന്റെ നിർദേശ പ്രകാരമാണ് റോഡ് നിർമ്മാണ ജോലികൾ നിറുത്തി വെച്ചത്. അമ്പലത്തുംകാല മുതൽ പുനലൂർ വരെയുളള 25 കിലോമീറ്റർ പാതയിലെ നിർമ്മാണമാണ് നിര്ത്തിയത്. റോഡ് നിർമ്മാണം എന്ന് പുനരാരംഭിക്കാൻ കഴിയുമെന്ന കാര്യത്തിൽ വ്യക്തതയില്ല.
Also Read: കുടുംബ വഴക്ക് മൂര്ച്ഛിച്ചു... അമ്മൂമ്മയ്ക്ക് തടികഷ്ണംകൊണ്ട് ക്രൂര മര്ദ്ദം, ആശുപത്രിയിലെത്തിക്കാനും തടസ്സം നിന്നു, ചെറുമകള് അറസ്റ്റില്
43 കോടി രൂപയാണ് മൂന്നാംഘട്ട നവീകരണത്തിനായി കേന്ദ്ര ഉപരിതല ഗതാഗത മന്ത്രാലയം അനുവദിച്ചത്.
കോട്ടവാസൽ മുതൽ പുനലൂർ വരെയുളള നിർമ്മാണവും പൂർത്തീകരണ ഘട്ടത്തിലാണ്. ദേശീയപാതയിൽ എറ്റവും തകർച്ച നേരിടുന്ന പ്രദേശമാണ് അമ്പലത്തുംകാല മുതൽ പുനലൂർ വരെയുളളത്. തൊഴിലാളികൾക്ക് ഇടയിൽ രോഗ ബാധ കൂടുതൽ വ്യാപിക്കുമോ എന്ന ആശങ്ക ആരോഗ്യ വകുപ്പിനുണ്ട്.
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ