കൊല്ലം: സാം കെ ഡാനിയലിനെ ജില്ലാ പഞ്ചായത്ത് പ്രസിഡൻ്റായി തെരഞ്ഞെടുത്തു. രാവിലെ 11 ന് ജില്ലാ പഞ്ചായത്ത് കൗൺസിൽ ഹാളിൽ നടന്ന തെരഞ്ഞെടുപ്പിൽ സാം കെ ഡാനിയൽ 22 വോട്ടും യുഡിഎഫിൻ്റെ ബ്രിജേഷ് എബ്രഹാം മൂന്ന് വോട്ടും നേടി. അഞ്ചലിൽ നിന്നുള്ള സിപിഎം അംഗം സി അംബികാ കുമാരിയുടെ വോട്ട് അസാധുവായി. ഓച്ചിറയിലെ സിപിഐ അംഗം ഗേളി ഷൺമുഖൻ സാം കെ ഡാനിയലിൻ്റെ പേര് നിർദേശിച്ചപ്പോൾ കൊറ്റങ്കരയിൽ നിന്നുള്ള സിപിഎം പ്രതിനിധി എൻ എസ് പ്രസന്നകുമാർ പിൻതാങ്ങി.
ഉച്ചയ്ക്ക് ശേഷമാണ് വൈസ് പ്രസിഡൻ്റ് തെരഞ്ഞെടുപ്പ് നടന്നത്. നെടുവത്തൂരിൽ നിന്നുള്ള അഡ്വ. സുമലാൽ വൈസ് പ്രസിഡൻ്റായി തെരഞ്ഞെടുക്കപ്പെട്ടു. സുമലാൽ 23 വോട്ട് നേടിയപ്പോൾ യുഡിഎഫിലെ ആർ രശ്‌മി മൂന്ന് വോട്ട് നേടി. എൽഡിഎഫ് 23, യുഡിഎഫ് മൂന്ന് എന്നിങ്ങനെയാണ് ജില്ലാ പഞ്ചായത്ത് കക്ഷിനില. ചടയമംഗലം ഡിവിഷനിൽ നിന്ന് 9,385 വോട്ടിന്റെ ഭൂരിപക്ഷത്തിൽ വിജയിച്ചാണ് സാം കെ ഡാനിയൽ ജില്ലാ പഞ്ചായത്ത് കൗൺസിലിൽ എത്തിയത്. സിപിഐ ജില്ലാ എക്സിക്യുട്ടീവ് അംഗമായ സാം കെ ഡാനിയൽ എഐഎസ്എഫിന്റെയും എഐവൈഎഫിന്റെയും ജില്ലാ സെക്രട്ടറിയായിരുന്നു. മുൻപു പാർട്ടി ജില്ലാ അസി. സെക്രട്ടറിയായിരുന്നു. ഇളമാട് പഞ്ചായത്ത് പ്രസിഡന്റായും ചടയമംഗലം ബ്ലോക്ക് പഞ്ചായത്ത് വൈസ് പ്രസിഡന്റായും പ്രവർത്തിച്ചിട്ടുണ്ട്.
സിപിഎം തേവലപ്പുറം ലോക്കൽ കമ്മിറ്റി അംഗമാണ് സുമലാൽ. ലോയേഴ്സ് യൂണിയൻ സംസ്ഥാന കമ്മിറ്റി അംഗം, ജനാധിപത്യ മഹിളാ അസോസിയേഷൻ നെടുവത്തൂർ ഏരിയാ സെക്രട്ടറി, ജില്ലാ കമ്മിറ്റി അംഗം എന്നീ നിലകളിലും പ്രവർത്തിക്കുന്നു. എ ഇടതുപക്ഷ ജനാധിപത്യ മുന്നണിയിലെ ധാരണയനുസരിച്ച് ജില്ലാ പഞ്ചായത്തിൽ ആദ്യ രണ്ടരവർഷം പ്രസിഡന്റ് പദവി സിപിഐയ്ക്കാണ്. തെരഞ്ഞെടുപ്പിന് ശേഷം ജില്ലാ പഞ്ചായത്ത് ജയൻ സ്മാരക ഹാളിൽ നടന്ന അനുമോദന സമ്മേളനം മന്ത്രി കെ രാജു ഉദ്ഘാടനം ചെയ്തു. ചിറ്റയം ഗോപകുമാർ എംഎൽഎ, സിപിഐ സംസ്ഥാന അസി. സെക്രട്ടറി കെ പ്രകാശ് ബാബു, സിപിഎം ജില്ലാ സെക്രട്ടറി എസ് സുദേവൻ തുടങ്ങിയവർ പങ്കെടുത്തു.
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
സിപിഐഎം കൊല്ലം ജില്ലാ സെക്രട്ടറി എസ് സുദേവൻ, കൊല്ലം ജില്ലാ പഞ്ചായത്ത് പ്രസിഡന്റായി തെരഞ്ഞെടുക്കപ്പെട്ട അഡ്വ. സാം കെ ഡാനിയലിനും, ജില്ലാ പഞ്ചായത്ത് വൈസ് പ്രസിഡന്റായി തെരഞ്ഞെടുക്കപ്പെട്ട അഡ്വ. സുമ ലാലിനും ജില്ലാ കമ്മിറ്റിയുടെ ഉപഹാരം നൽകുന്നു.
ഉച്ചയ്ക്ക് ശേഷമാണ് വൈസ് പ്രസിഡൻ്റ് തെരഞ്ഞെടുപ്പ് നടന്നത്. നെടുവത്തൂരിൽ നിന്നുള്ള അഡ്വ. സുമലാൽ വൈസ് പ്രസിഡൻ്റായി തെരഞ്ഞെടുക്കപ്പെട്ടു. സുമലാൽ 23 വോട്ട് നേടിയപ്പോൾ യുഡിഎഫിലെ ആർ രശ്‌മി മൂന്ന് വോട്ട് നേടി. എൽഡിഎഫ് 23, യുഡിഎഫ് മൂന്ന് എന്നിങ്ങനെയാണ് ജില്ലാ പഞ്ചായത്ത് കക്ഷിനില. ചടയമംഗലം ഡിവിഷനിൽ നിന്ന് 9,385 വോട്ടിന്റെ ഭൂരിപക്ഷത്തിൽ വിജയിച്ചാണ് സാം കെ ഡാനിയൽ ജില്ലാ പഞ്ചായത്ത് കൗൺസിലിൽ എത്തിയത്. സിപിഐ ജില്ലാ എക്സിക്യുട്ടീവ് അംഗമായ സാം കെ ഡാനിയൽ എഐഎസ്എഫിന്റെയും എഐവൈഎഫിന്റെയും ജില്ലാ സെക്രട്ടറിയായിരുന്നു. മുൻപു പാർട്ടി ജില്ലാ അസി. സെക്രട്ടറിയായിരുന്നു. ഇളമാട് പഞ്ചായത്ത് പ്രസിഡന്റായും ചടയമംഗലം ബ്ലോക്ക് പഞ്ചായത്ത് വൈസ് പ്രസിഡന്റായും പ്രവർത്തിച്ചിട്ടുണ്ട്.
സിപിഎം തേവലപ്പുറം ലോക്കൽ കമ്മിറ്റി അംഗമാണ് സുമലാൽ. ലോയേഴ്സ് യൂണിയൻ സംസ്ഥാന കമ്മിറ്റി അംഗം, ജനാധിപത്യ മഹിളാ അസോസിയേഷൻ നെടുവത്തൂർ ഏരിയാ സെക്രട്ടറി, ജില്ലാ കമ്മിറ്റി അംഗം എന്നീ നിലകളിലും പ്രവർത്തിക്കുന്നു. എ ഇടതുപക്ഷ ജനാധിപത്യ മുന്നണിയിലെ ധാരണയനുസരിച്ച് ജില്ലാ പഞ്ചായത്തിൽ ആദ്യ രണ്ടരവർഷം പ്രസിഡന്റ് പദവി സിപിഐയ്ക്കാണ്. തെരഞ്ഞെടുപ്പിന് ശേഷം ജില്ലാ പഞ്ചായത്ത് ജയൻ സ്മാരക ഹാളിൽ നടന്ന അനുമോദന സമ്മേളനം മന്ത്രി കെ രാജു ഉദ്ഘാടനം ചെയ്തു. ചിറ്റയം ഗോപകുമാർ എംഎൽഎ, സിപിഐ സംസ്ഥാന അസി. സെക്രട്ടറി കെ പ്രകാശ് ബാബു, സിപിഎം ജില്ലാ സെക്രട്ടറി എസ് സുദേവൻ തുടങ്ങിയവർ പങ്കെടുത്തു.
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ