കൊല്ലം: ഇന്ത്യ പാക് അതിർത്തിയിലുണ്ടായ ഷെൽ ആക്രമണത്തിൽ മലയാളി ജവാന് വീരമൃത്യു. ചൊവ്വാഴ്ച ഉച്ചയ്ക്ക് നടന്ന മോട്ടർ ഫയറിങ്ങിലാണ് കൊല്ലം കടയ്ക്കൽ ആലുമുക്ക് സ്വദേശി അനീഷ് തോമസ് വീരമൃത്യു വരിച്ചത്.
ജമ്മുകാശ്മീരിലെ അതിർത്തിപ്രദേശമായ നൗഷാരാ സെക്ടറിലെ സുന്ദർബെനിയിൽ നടന്ന ഷെല്ലാക്രമണത്തിൽ ആണ് പരുക്കേറ്റത്. ഇന്നലെ ഉച്ചയ്ക്കായിരുന്നു സംഭവം. രാത്രി എട്ട് മണിയോടെ സഹപ്രവർത്തകർ മരണവിവരം ബന്ധുക്കളെ അറിയിക്കുകയായിരുന്നു.
പോസ്റ്റ്‌മോര്‍ട്ടത്തിന് ശേഷം ഡൽഹിയിലേക്ക് കൊണ്ടുപോയ മൃതദേഹം നാളെ രാവിലെ തിരുവനന്തപുരത്ത് എത്തിക്കുമെന്നാണ് അറിയുന്നത്. ഈ മാസം 25 ന് അവധിക്കായി നാട്ടിലെത്താനിരിക്കുകവെയാണ് മരണം. എമിലിയാണ് ഭാര്യ. ഏകമകൾ ഹന്ന 6 വയസ്. തോമസ് - അമ്മിണി ദമ്പതികളുടെ മൂത്ത മകനാണ് അനീഷ്. ആക്രമണത്തില്‍ ഒരു മുതിര്‍ന്ന ഉദ്യോഗസ്ഥന്‍ ഉള്‍പ്പെടെ രണ്ട് പേര്‍ക്ക് പരിക്കേല്‍ക്കുകയും ചെയ്തു. പരിക്കേറ്റ സൈനികരെ സൈനിക ആശുപത്രിയില്‍ പ്രവേശിപ്പിച്ചു.
Also Read: റെയിൽവേയിലും ചവറ കെഎംഎംഎല്ലിലും വ്യാജ നിയമ ഉത്തരവ് നൽകി കോടികളുടെ തട്ടിപ്പ്; 2 പേർ അറസ്റ്റിൽ