കൊവിഡ് ബാധിച്ച് കൊല്ലത്ത് മരിച്ചവരിൽ അധികവും 50നും 89നും ഇടയിൽ പ്രായമുള്ളവർ; കൊവിഡ് കവർന്നവരിൽ 36 ശതമാനം സ്ത്രീകൾ

കൊല്ലം: ജില്ലയിൽ കൊവിഡ് ബാധിച്ചത് മരിച്ചവരിൽ അധികവും 50നും 89 നും ഇടയിൽ പ്രായമുള്ളവരാണെന്ന് വിദഗ്ദ്ധ സമിതിയുടെ കണ്ടെത്തൽ. സർക്കാർ, സ്വകാര്യ ആശുപത്രികളിൽ നടന്ന മരണങ്ങൾ ഓഡിറ്റ് ചെയ്താണ് സമിതി അനുമാനത്തിലെത്തിയത്. മരിച്ചവരിൽ സ്ത്രീകൾ 36 ശതമാനമാണ്. പ്രമേഹം, ഹൃദ്രോഗം തുടങ്ങി മറ്റ് രോഗങ്ങൾക്ക് ചികിത്സയിൽ ഇരുന്നവരിൽ 50 ശതമാനമാണ്.

Also Read: ഞാൻ അല്ലെങ്കിൽ ഭാര്യ, അല്ലെങ്കിൽ എന്‍റെ ബന്ധു, അതുമല്ലെങ്കിൽ എന്‍റെ കോഴി... കൊല്ലത്തെ കോൺഗ്രസ് സ്ഥാനാർത്ഥി നിർണ്ണയത്തെ പരിഹസിച്ച് കെ എസ് യു, താക്കീതും!

രണ്ടോ അതിലധികമോ രോഗങ്ങൾക്ക് ചികിത്സയെടുക്കുന്നവരിൽ മരണ നിരക്ക് 43 ശതമാനവും ഹൃദ്രോഗ ബാധിതരിലേത് 28.5 ശതമാനവുമാണ്. ഹൃദ്രോഗം, പ്രമേഹം, കാൻസർ എന്നീ രോഗങ്ങൾ ഉള്ളവരിലെ മരണ നിരക്ക് 50 ശതമാനമാണ്. കൊവിഡ് മൂലമുള്ള നിമോണിയ ബാധിച്ചവരിൽ 50 ശതമാനം പേരും മരിച്ചു. ഐസിഎംആർ പ്രോജക്ട് റിവ്യൂ കമ്മിറ്റി ചെയർമാനും ആർസിസി ഹ്യൂമൻ എത്തിക്‌സ് കമ്മിറ്റി ചെയർമാനുമായ ഡോ നരേന്ദ്രനാഥിന്റെ നേതൃത്വത്തിലാണ് വിശകലനം നടത്തിയത്.

Also Read: പോലീസുകാര്‍ക്കെന്താ നിയമം ബാധകമല്ലെ? സിഐ മദ്യപിച്ച് വാഹനമോടിച്ച് ബൈക്ക് യാത്രക്കാരെ തട്ടിത്തെറിപ്പിച്ചു, ടൗണിലെത്തിയത് ആടിക്കുഴഞ്ഞ് മാസ്ക് പോലുമില്ലാതെ, സംഭവം വയനാട്ടില്‍

വിദഗ്ദ്ധ സമിതിയിലെ അംഗങ്ങളായി കൊല്ലം പാരിപ്പള്ളി സർക്കാർ മെഡിക്കൽ കോളജ് പ്രിൻസിപ്പൽ ഡോ. റോയി, തിരുവനന്തപുരം എസ് എടി ആശുപത്രി പീഡിയാട്രിക്‌സ് വിഭാഗം മേധാവി ഡോ. സന്തോഷ്, തിരുവനന്തപുരം മെഡിക്കൽ കോളജ് സൂപ്രണ്ട് ഡോ. ഷർമിദ്, ജില്ലാ മെഡിക്കൽ ഓഫീസർ ഡോ. ആർ ശ്രീലത, ജില്ലാ സർവയിലൻസ് ഓഫീസർ ഡോ .ആർ സന്ധ്യ, പാരിപ്പള്ളി മെഡിക്കൽ കോളജിലെ ഡോ. അനുജ എന്നിവരും പങ്കെടുത്തു.


കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ