പുനലൂർ (Kollam): യുവതിയുടെ ഒന്നേകാൽ പവൻ തൂക്കം വരുന്ന സ്വർണമാല പൊട്ടിച്ച വയോധികനെ പോലീസ് അറസ്റ്റു ചെയ്തു. ഇടമൺ അണ്ടൂർപച്ച സ്വദേശി ജമാലുദീൻ (60) ആണ് അറസ്റ്റിലായത്. വാളക്കോട് സ്വദേശിനിയായ യുവതിയുടെ മാല പൊട്ടിച്ച ശേഷം പ്രതി കടന്നുകളയുകയായിരുന്നു.
ഇന്നലെ രാവിലെ ഏഴുമണിയോടെയായിരുന്നു സംഭവം. വിളക്കുവെട്ടം ചന്ദനശേരി വയലിനോട് ചേർന്നുള്ള ഭാഗത്തുകൂടി യുവതി ജോലിക്കു പോകുകയായിരുന്നു. ഈ ഭാഗത്ത് സ്ഥിരമായി പശുവിനു പുല്ല് അറുക്കാനെത്തുന്ന പ്രതി യുവതിയെ നിരീക്ഷിച്ചുവരികയായിരുന്നു. യുവതിയുടെ കണ്ണിലേക്ക് ചാരം വിതറിയ പ്രതി മാല പൊട്ടിച്ച ശേഷം സ്കൂട്ടറിൽ രക്ഷപ്പെടുകയായിരുന്നു. യുവതിയുടെ പരാതിയിൽ പുനലൂർ പോലീസ് അന്വേഷണം ആരംഭിക്കുകയായിരുന്നു. രഹസ്യവിവരത്തെ തുടർന്ന് പ്രതി ജമാലുദീനെ വീട്ടിൽ നിന്നാണ് പിടികൂടിയത്.
ഇടമൺ 34 ലിലുള്ള കൈലാത്ത് ഫൈനാൻസിയേഴ്സ് എന്ന സ്ഥാപനത്തിൽ 30,000 രൂപയ്ക്കാണ് പൊട്ടിച്ചെടുത്ത മാല ഇയാൾ പണയം വെച്ചത്. പണയം വെച്ച സ്വർണവും അതുവഴി കിട്ടിയ 30,000 രൂപയും പോലീസ് കണ്ടെടുത്തു. സമീപകാലത്ത് തെക്കൻ ജില്ലകളിൽ നടന്ന സമാന സംഭവങ്ങളിൽ ഇയാൾക്ക് പങ്കുണ്ടോയെന്ന് പോലീസ് അന്വേഷണം നടത്തിവരുന്നതായി എസ്ഐമാരായ ഹരീഷ്, അജികുമാർ എന്നിവർ അറിയിച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. 24 മണിക്കൂറിനകം പ്രതിയെ അറസ്റ്റു ചെയ്തു മുഴുവൻ സ്വർണവും പണവും വീണ്ടെടുത്തു പുനലൂർ പോലീസ് മികവ് തെളിയിച്ചിരിക്കുകയാണ്.
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Kollam News, Kollam Man Arrest, Kollam Chain Snatcher Arrest
ഇന്നലെ രാവിലെ ഏഴുമണിയോടെയായിരുന്നു സംഭവം. വിളക്കുവെട്ടം ചന്ദനശേരി വയലിനോട് ചേർന്നുള്ള ഭാഗത്തുകൂടി യുവതി ജോലിക്കു പോകുകയായിരുന്നു. ഈ ഭാഗത്ത് സ്ഥിരമായി പശുവിനു പുല്ല് അറുക്കാനെത്തുന്ന പ്രതി യുവതിയെ നിരീക്ഷിച്ചുവരികയായിരുന്നു. യുവതിയുടെ കണ്ണിലേക്ക് ചാരം വിതറിയ പ്രതി മാല പൊട്ടിച്ച ശേഷം സ്കൂട്ടറിൽ രക്ഷപ്പെടുകയായിരുന്നു. യുവതിയുടെ പരാതിയിൽ പുനലൂർ പോലീസ് അന്വേഷണം ആരംഭിക്കുകയായിരുന്നു. രഹസ്യവിവരത്തെ തുടർന്ന് പ്രതി ജമാലുദീനെ വീട്ടിൽ നിന്നാണ് പിടികൂടിയത്.
ഇടമൺ 34 ലിലുള്ള കൈലാത്ത് ഫൈനാൻസിയേഴ്സ് എന്ന സ്ഥാപനത്തിൽ 30,000 രൂപയ്ക്കാണ് പൊട്ടിച്ചെടുത്ത മാല ഇയാൾ പണയം വെച്ചത്. പണയം വെച്ച സ്വർണവും അതുവഴി കിട്ടിയ 30,000 രൂപയും പോലീസ് കണ്ടെടുത്തു. സമീപകാലത്ത് തെക്കൻ ജില്ലകളിൽ നടന്ന സമാന സംഭവങ്ങളിൽ ഇയാൾക്ക് പങ്കുണ്ടോയെന്ന് പോലീസ് അന്വേഷണം നടത്തിവരുന്നതായി എസ്ഐമാരായ ഹരീഷ്, അജികുമാർ എന്നിവർ അറിയിച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. 24 മണിക്കൂറിനകം പ്രതിയെ അറസ്റ്റു ചെയ്തു മുഴുവൻ സ്വർണവും പണവും വീണ്ടെടുത്തു പുനലൂർ പോലീസ് മികവ് തെളിയിച്ചിരിക്കുകയാണ്.
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Kollam News, Kollam Man Arrest, Kollam Chain Snatcher Arrest