പിഎഫ്ഐ നിരോധനത്തെ നിയമപരമായി നേരിടുമെന്ന് സംസ്ഥാന ജനറൽ സെക്രട്ടറി, പിന്നാലെ പിടികൂടി എൻഐഎയും പോലീസും

കൊല്ലം (Kollam): പോപ്പുലർ ഫ്രണ്ടിനെ നിരോധിച്ചതിന് പിന്നാലെ സംസ്ഥാന ജനറൽ സെക്രട്ടറി അബ്ദുൽ സത്താർ അറസ്റ്റിൽ. കരുനാഗപ്പള്ളി കാരുണ്യ ട്രസ്റ്റിൽ നിന്നാണ് എൻഐഎയും കേരള പോലീസും അടങ്ങുന്ന സംഘം അറസ്റ്റ് ചെയ്തത്. ജില്ലയ്ക്കു പുറത്തായിരുന്ന സത്താർ ഇന്ന് രാവിലെയാണ് കരുനാഗപ്പള്ളി കാരുണ്യ ട്രസ്റ്റിൽ മടങ്ങിയെത്തിയത്. അയല്‍വാസി വളര്‍ത്തുന്ന നായ കടിച്ചു; ഒരു പകല്‍ അലഞ്ഞിട്ടും വാക്‌സിന്‍ കിട്ടാതെ വീട്ടമ്മ, ഒടുവിൽ തിരുവനന്തപുരത്ത് എത്തിച്ചു
രാവിലെ പോപ്പുലർ ഫ്രണ്ട് നിരോധനത്തെ കുറിച്ചു പ്രതികരിച്ച അബ്ദുൽ സത്താർ, കേന്ദ്ര സർക്കാർ നടപടിയെ നിയമപരമായി നേരിടുമെന്ന് വ്യക്തമാക്കിയിരുന്നു. നിയമനടപടികൾ സ്വീകരിക്കാനായി ഉടൻ തന്നെ അഭിഭാഷകരുമായി കൂടിക്കാഴ്ച നടത്തും. അധികൃതർ നടത്തിയ റെയ്ഡിൽ പൂർണമായി സഹകരിച്ചെന്നും അദ്ദേഹം വ്യക്തമാക്കി. മാധ്യമങ്ങളെ കണ്ടതിന് പിന്നാലെയാണ് സത്താറിനെ പോലീസ് കസ്റ്റഡിയിലെടുത്തത്.

കേരള അതിർത്തിയിൽ തോക്കുമായി തമിഴ്നാട് പോലീസ്; വാഹനങ്ങൾ പരിശോധിച്ച് കമാൻഡോകൾ, തെരച്ചിൽ മാവോയിസ്റ്റ് സാന്നിധ്യമെന്ന റിപ്പോർട്ടിനെ തുടർന്ന്
രാജ്യത്ത് പോപ്പുലർ ഫ്രണ്ട് ഓഫ് ഇന്ത്യയുടെ പ്രവർത്തനം നിരോധിച്ചുള്ള വിജ്ഞാപനം ഇന്ന് രാവിലെയാണ് പുറത്തുവന്നത്. അഞ്ച് വർഷത്തേക്കാണ് പോപ്പുലർ ഫ്രണ്ടിന് നിരോധനം ഏർപ്പെടുത്തിയിരിക്കുന്നത്. കഴിഞ്ഞ ദിവസങ്ങളിൽ രാജ്യത്തെങ്ങുമുള്ള പോപ്പുലർ ഫ്രണ്ട് ഓഫീസുകളിൽ എൻഐഎയും ഇഡിയും നടത്തിയ പരിശോധനകളുടെ അടിസ്ഥാനത്തിൽ ഇവർ നൽകിയ റിപ്പോർട്ട് പരിഗണിച്ചാണ് നടപടി. പോപ്പുലർ ഫ്രണ്ട് ഓഫ് ഇന്ത്യയുടെ എട്ട് അനുബന്ധ സംഘടനകളെയും കേന്ദ്രം നിരോധിച്ചിട്ടുണ്ട്. റിഹാബ് ഇന്ത്യ ഫൗണ്ടേഷൻ, ക്യാംപസ് ഫ്രണ്ട് ഓഫ് ഇന്ത്യ, ഓൾ ഇന്ത്യ ഇമാംസ് കൗൺസിൽ തുടങ്ങിയ സംഘടനകളെയാണ് നിരോധിച്ചത്.

കൊല്ലം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

Read Latest Local News and Malayalam News