വസ്ത്രങ്ങൾ മാത്രമെ മോഷ്ടിക്കു? കുപ്പായക്കള്ളനെ ഭയന്ന് നാട്, ദൃശ്യങ്ങള്‍ പുറത്ത്‌

കൊല്ലം(kollam): ചിതറയിൽ വീടുകൾ കേന്ദ്രീകരിച്ച് വസ്ത്രമോഷണം. മോഷ്ടാവിനെ സിസി ടിവി ദ്യശ്യങ്ങൾ പുറത്ത്. പ്രതിക്കായി പോലീസ് അന്വേഷണം ഊർജിതമാക്കി. കൊല്ലം കിഴക്കുഭാഗം പളളിക്കുന്നുപുറം സ്വദേശി അയൂബാണ് സിസി ടിവി ദ്യശ്യങ്ങളിലുളളത്. മടത്തറ റോസ്‌വിള ആദർശിന്റെ വീട്ടിൽ എത്തിയ ഇയാൾ ചുറ്റും ആരും ഇല്ല എന്ന് ഉറപ്പിച്ച ശേഷം വസ്ത്രങ്ങളുമായി കടന്നുകളയുന്ന ദൃശ്യങ്ങളാണ് പുറത്ത് വന്നത്. തൊട്ടടുത്ത ദിവസം ചിതറ പരുത്തിയിലുളള നിസാമിന്റെ നിർമ്മാണം നടക്കുന്ന വീടിന്റെ പരിസരത്ത് എത്തി. ആദർശിന്റെ വീട്ടിൽ നിന്ന് മോഷ്ടിച്ച കറുത്ത ഷർട്ട് ധരിച്ചായിരുന്നു വരവ്. ഹെൽമറ്റ് ഊരി ബൈക്കിൽ വെച്ച ശേഷം വീടിന്റെ ചുറ്റും എത്തി പരിസരം ഒക്കെ നോക്കി. ശേഷം ബൈക്കിൽ എത്തി ഹെൽമറ്റ് ധരിച്ചു. വീണ്ടും വീടിന് ഉള്ളിലേക്ക്. പിന്നീട് വീട് പണിയുന്ന തൊഴിലാളികളുടെ വസ്ത്രങ്ങളും ഫോണും പണവും അടങ്ങിയ ബാഗുമായി ഒറ്റ പോക്ക്. ഉച്ചയ്ക്ക് ഭക്ഷണം കഴിക്കാൻ നോക്കുമ്പോഴാണ് ബാഗ് നഷ്ടപ്പെട്ട വിവരം തൊഴിലാളികൾ അറിയുന്നത്. തുടർന്ന് സിസിടീവി ദ്യശ്യം പരിശോധിച്ചു.

Also Read: സ്വകാര്യ ബസിൻ്റെ മരണപ്പാച്ചിൽ, വാനുമായി കൂട്ടിയിടിച്ച് ഒരു മരണം, നിരവധി പേർക്ക് പരിക്ക്

സിസി ടിവി ദ്യശ്യം ദൃശ്യം ഉള്‍പ്പെടെ ചിതറ പോലീസിൽ പരാതി നല്‍കുകയായിരുന്നു
ദ്യശ്യം പരിശോധിച്ച പോലീസ് അയൂബിനെ തിരിച്ചറിഞ്ഞു. സമാനമായ നിരവധി കേസുകളിൽ ഇയാൾ പ്രതിയാണ്.

Topic: Kollam, Kollam thief, Thief stealing dress