കൊല്ലം(kollam): തമിഴ്‌നാട്ടില്‍ നിന്ന് കേരളത്തിലേക്ക് വരുന്ന ചരക്ക് വാഹനങ്ങളിൽ നിന്ന് പുളിയറ ചെക്പോസ്റ്റില്‍ പണം പിരിക്കുന്നതായി പരാതി. വാഹനങ്ങള്‍ മണിക്കൂറുകള്‍ തടഞ്ഞിടുന്നത് മൂലം വൻ ഗതാഗത കുരുക്ക് ഉണ്ടാകുന്നതായും ആക്ഷേപം ഉണ്ട്.
അമിത ലോഡാണെന്ന് പറഞ്ഞാണ് ലോറികളടക്കം മണിക്കൂറുകൾ തടഞ്ഞിടുന്നു. എന്നാല്‍ അമിത ലോഡുമായി വരുന്ന തമിഴ്നാട് രജിസ്ട്രേഷന്‍ വാഹനങ്ങള്‍ തടസ്സമില്ലാതെ കേരളത്തിലേക്ക് കടത്തിവിടുന്നു. തമിഴ്നാട് അടക്കം ഇതര സംസ്ഥാനങ്ങളില്‍ നിന്ന് സിമന്‍റ്, പാറ ഉല്‍പന്നങ്ങള്‍, മണല്‍ തുടങ്ങിയവ കൊണ്ടുവരുന്ന വാഹനങ്ങളാണ് അധികൃതര്‍ പിടിച്ചിടുന്നത്. നിയന്ത്രിത അളവില്‍ ചരക്ക് കയറ്റി വരുന്ന വാഹനങ്ങൾ ചെക്പോസ്റ്റ് കടക്കുന്നതിന് 500 രൂപ വരെ പടി നല്‍കാറുണ്ട്. ഇതു കൂടാതെയാണ് വാഹനങ്ങള്‍ തടഞ്ഞ് പത്തിരട്ടിവരെ പിഴ അടക്കാന്‍ ആവശ്യപ്പെടുന്നതെന്ന് ഡ്രൈവര്‍മാര്‍ ആരോപിക്കുന്നു.
ഏക്കറുകണക്കിന് ഭൂമിയിൽ കൃഷി ചെയ്യാനാകാതെ കർഷകർ... വീഡിയോ കാണാംമുൻപ് സമാന സാഹചര്യം ഉണ്ടായപ്പോൾ കേരളത്തിലെ ലോറി ഡ്രൈവര്‍മാര്‍ സംഘടിച്ച്‌ ഗതാഗത വകുപ്പ് അധികൃതര്‍ക്ക് പരാതി നല്‍കിയിരുന്നു. അധികൃതര്‍ തമിഴ്നാട് ഗതാഗത വകുപ്പുമായി സംസാരിക്കുകയും, ആരോപണ വിധേയയായ ആര്‍ടിഒ യെ സ്ഥലം മാറ്റുകയും ചെയ്തു. വീണ്ടും ഇതേ ഉദ്യോഗസ്ഥ ചുമതല ഏറ്റതോടെയാണ്‌
പ്രതികാര നടപടി തുടങ്ങിയതെന്ന് ഡ്രൈവര്‍മാര്‍ പറയുന്നു.
Topic: kollam, Bribe at checkpost, puliyara checkpost
