ദുർഗന്ധം വമിച്ചതിനെ തുടർന്ന് വീട്ടുവളപ്പിൽ പരിശോധന; ഗൃഹനാഥന്‍റെ മൃതദേഹം പുഴുവരിച്ച നിലയിൽ

കൊല്ലം(Kollam): ഏരൂരിൽ ഗുണ്ടാലിസ്റ്റിൽ പെട്ടയാളെ മരിച്ച നിലയിൽ കണ്ടെത്തി. പന്തടിമുകൾ കിഴക്കേവീട്ടിൽ സാബു തോമസിനെയാണ് വീടിന്‍റെ പിൻഭാഗത്ത് മരിച്ച നിലയിൽ കണ്ടെത്തിയത്. പോലീസ് അന്വേഷണം ആരംഭിച്ചു.

62 വയസ്സുള്ള സാബു തോമസ് ഭാര്യയും മക്കളുമായി പിണങ്ങി തനിച്ചാണ് താമസം. കഴിഞ്ഞ ദിവസം രാവിലെയാണ് വീടിന്‍റെ പിൻഭാഗത്തുള്ള സ്ലാബിന് സമീപം സാബുവിനെ മരിച്ച നിലയിൽ കണ്ടെത്തിയത്.
സാബുവിന്‍റെ മൃതദേഹം അഴുകി പുഴുവരിച്ച നിലയിലായിരുന്നു. മൃതദേഹത്തിന് ഒരാഴ്ചയോളം പഴക്കം ഉണ്ടാകും എന്നാണ് പോലീസിന്‍റെ പ്രാഥമിക നിഗമനം. പ്രിയപ്പെട്ട സഹപ്രവർത്തകന് മാപ്പ്!! തെറ്റിദ്ധരിക്കപ്പെട്ട കെഎസ്ആർടിസി ഡ്രൈവറുടെ സഹപ്രവർത്തകൻ പറയുന്നു...
പ്രദേശത്ത് ദുർഗന്ധം വമിച്ചതിനെ തുടർന്ന് പ്രദേശവാസികളും പഞ്ചായത്ത് മെമ്പറും വീടിന് സമീപം പരിശോധന നടത്തിയപ്പോളാണ് മൃതദേഹം കണ്ടെത്തിയത്. സാബുവിന്‍റെ പേരിലുള്ള വസ്തുവിനെ സംബന്ധിച്ച് തർക്കം ഉണ്ടായിരുന്നതായും മരണത്തിൽ സംശയം ഉണ്ടെന്നും സഹോദരി പറഞ്ഞു.

അനധികൃത കച്ചവടം വേണ്ട; ബീച്ചിലെ തട്ടുകടകളടക്കം ഇടിച്ചുനിരത്തി കോർപറേഷൻ

സാബു നിരവധി ക്രിമിനൽ കേസുകളിൽ പ്രതിയും ഏരൂർ പോലീസ് സ്റ്റേഷനിലെ ഗുണ്ട ലിസ്റ്റിൽ ഉൾപ്പെട്ട ആളുമാണ്. ഡോഗ് സ്‌ക്വാഡും, വിരലടയാള വിദഗ്ധരും സ്ഥലത്ത് പരിശോധന നടത്തി. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം തിരുവനന്തപുരം മെഡിക്കൽ കോളേജിൽ എത്തിച്ച് പോസ്റ്റ്‌മോർട്ടം ചെയ്തു.

Topic: Kollam News, Man Found Dead, Kollam Death