കടൽക്ഷോഭത്തിൽ തമിഴ്നാട് ബോട്ട് അപകടത്തിൽപ്പെട്ടു; 2 തൊഴിലാളികൾക്ക് പരിക്ക്

കൊല്ലം:കടൽക്ഷോഭത്തിൽ അകപ്പെട്ട തമിഴ്നാട് മത്സ്യബന്ധന ബോട്ടിൻ്റെ ഗ്ലാസുകൾ ഇളകി വീണ് രണ്ട് തൊഴിലാളികൾക്ക് പരിക്കേറ്റു. അപകടത്തെ തുടർന്ന് ബോട്ട് കൊല്ലം ഹാർബറിൽ അടുപ്പിച്ചു. ജോണി (38), പ്രഭു (30) എന്നിവർക്കാണ് പരിക്കേറ്റത്. ഇവരെ ജില്ലാ ആശുപത്രിയിൽ പ്രവേശിപ്പിച്ചു

Also Read: പോലീസിനെ ആക്രമിച്ച് കൈവിലങ്ങുമായി രക്ഷപ്പെട്ട പോക്സോ കേസ് പ്രതികളിൽ 2 പേർ കൂടി അറസ്റ്റിൽ

തേങ്ങാപ്പട്ടണം ഹാർബറിൽ നിന്നും മത്സ്യബന്ധനത്തിന് തിരിച്ച് പ്രെയ്സ് ദി ലോഡ് എന്ന ബോട്ട് ആണ് അപകടത്തിൽ പെട്ടത്. കൊല്ലം പോർട്ടിൽ ഉണ്ടായിരുന്ന കോസ്റ്റൽ പോലീസിന്റെ യോദ്ധ ബോട്ടിൽ പരിക്കേറ്റവരെ തീരത്ത് എത്തിച്ചു. അപകട വിവരം അറിഞ്ഞ് തീരത്ത് സജ്ജമാക്കി നിറുത്തിയിരുന്ന ആംബുലൻസിൽ തൊഴിലാളികളെ ജില്ലാ ആശുപത്രിയിലേക്ക് മാറ്റി. ബോട്ടിൽ ആകെ 15 തൊഴിലാളികൾ ഉണ്ടായിരുന്നു. മറ്റുള്ളവരോട് പുറത്തിറങ്ങരുതെന്ന് കോസ്റ്റൽ പോലീസ് നിർദേശിച്ചു. കോസ്റ്റൽ പോലീസ് ബോട്ടിലെ ഉദ്യോഗസ്ഥരാണ് പ്രവർത്തനങ്ങൾ ഏകോപിപ്പിച്ചത്.

Also Read: വാളകം കൊലക്കേസിൽ രണ്ടുപേര്‍ കൂടി അറസ്റ്റിൽ

Also Read: ആരോഗ്യമന്ത്രി രാജിവെക്കണം, ആറന്മുളയിൽ രോഗി പീഡിപ്പിക്കപ്പെട്ടത് സർക്കാരിന്‍റെ പിടിപ്പുകേട്: കെ. സുരേന്ദ്രൻ

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ