കരിക്കിടാൻ ശ്രമിക്കുന്നതിനിടെ സൺഷെയ്‍ഡിൽ നിന്ന് കാൽ വഴുതി കിണറ്റിലേക്ക് വീണു; യുവാവ് മരിച്ചു

കൊല്ലം: കരിക്കിടാൻ ശ്രമിച്ച യുവാവ് വീടിന്‍റെ സൺഷെയ്ഡിൽ നിന്ന് കാൽ വഴുതി വീണ് മരിച്ചു. ചവറ തേവലക്കര സ്വദേശി സന്തോഷ് കുമാർ (32) ആണ് കാൽ വഴുതി വീണ് മരിച്ചത്.

Also Read: കൊവിഡ് ബാധിച്ച് കൊല്ലത്ത് മരിച്ചവരിൽ അധികവും 50നും 89നും ഇടയിൽ പ്രായമുള്ളവർ; കൊവിഡ് കവർന്നവരിൽ 36 ശതമാനം സ്ത്രീകൾ

നിർമാണത്തൊഴിലാളിയായ സന്തോഷ് കുമാർ ഞായറാഴ്ച വൈകിട്ട് സമീപവാസിയുടെ നിർമാണം നടക്കുന്ന വീടിന്‍റെ സൺഷെയ്ഡിൽ നിന്നാണ് കാൽ വഴുതി വീണത്. വൈകുന്നേരം നാലരയോടെയായിരുന്നു അപകടം നടന്നത്. സൺഷെയ്ഡിൽ നിന്ന് സന്തോഷ് കുമാർ ആഴമുള്ള കിണറ്റിലേക്കാണ് വീണത്. ഒരു മണിക്കൂറോളം കഴിഞ്ഞാണ് സന്തോഷിനെ കിണറ്റിനുള്ളിൽ കണ്ടെത്തിയത്.

Also Read: ഞാൻ അല്ലെങ്കിൽ ഭാര്യ, അല്ലെങ്കിൽ എന്‍റെ ബന്ധു, അതുമല്ലെങ്കിൽ എന്‍റെ കോഴി... കൊല്ലത്തെ കോൺഗ്രസ് സ്ഥാനാർത്ഥി നിർണ്ണയത്തെ പരിഹസിച്ച് കെ എസ് യു, താക്കീതും!
അഗ്നിശമനസേനയും പോലീസും നാട്ടുകാരും ചേർന്നാണ് കിണറിനുള്ളിൽ നിന്ന് സന്തോഷിനെ പുറത്തെത്തിച്ചത്. തുടർന്ന് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. പൊന്നുവാണ് സന്തോഷിന്‍റെ ഭാര്യ. സായി കൃഷ്ണൻ, ശ്രാവണി കൃഷ്ണൻ എന്നിവർ മക്കളാണ്.

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ