പുറമെ നിന്ന് നോക്കിയാല്‍ അലങ്കാര മത്സൃ വിൽപ്പന, അകത്ത് വന്‍ കഞ്ചാവ് ശേഖരം... ഞെട്ടല്‍ വിട്ടു മാറാതെ കൊല്ലം നിവാസികള്‍

കൊല്ലം: സ്കൂള്‍ പരിസരം കേന്ദ്രീകരിച്ച്‌ കഞ്ചാവ് വില്‍പ്പന നടത്തിവന്ന അഞ്ചുപേരെ ഇരവിപുരം പോലീസും സിറ്റി പോലീസിന്‍റെ ഡാന്‍സാഫ് ടീമും ചേര്‍ന്ന് പിടികൂടി. ലാലു , നിരഞ്ജൻ അരുണ്‍ , ജഗന്നാഥന്‍ എന്നിവരാണ് പിടിയിലായത്.വില്‍പ്പന നടത്തുന്നതിനായി സൂക്ഷിച്ച കഞ്ചാവും കഞ്ചാവ് കടത്തുന്നതിനായി ഇവര്‍ ഉപയോഗിച്ച ബൈക്കുകളും തൂക്കുന്നതിനായുള്ള ത്രാസും കഞ്ചാവ് വലിക്കുന്നതിനായുള്ള സംവിധാനങ്ങളും ഇവരില്‍ നിന്ന് കണ്ടെടുത്തു.

Also Read: കണ്ണൂരിലും മയക്കു മരുന്ന് മാഫിയ; ഡിജെ പാര്‍ട്ടിയും ലഹരിയും... വിറ്റഴിക്കുന്നത് ഗുളിക രൂപത്തില്‍, ഇരിക്കൂര്‍ സ്വദേശി അറസ്റ്റില്‍

ആന്ധ്ര, തമിഴ്നാട് എന്നിവിടങ്ങളില്‍ നിന്ന് വന്‍തോതില്‍ കഞ്ചാവ് എത്തിച്ച്‌ വിതരണം നടത്തുന്ന സംഘത്തിലെ കണ്ണികളാണ് പിടിയിലായവരെന്ന് പോലീസ് പറഞ്ഞു. വളര്‍ത്തുമീന്‍ വില്‍പ്പനയുടെ മറവിലാണ് ഇവര്‍ കഞ്ചാവ് കച്ചവടം നടത്തിയിരുന്നത്. ഇവരുടെ മൊബൈല്‍ ഫോണിലേക്ക് വന്നിട്ടുള്ള നമ്പറുകള്‍ കേന്ദ്രീകരിച്ച്‌ പോലീസ് അന്വേഷണം ആരംഭിച്ചിട്ടുണ്ട്. ഇരവിപുരം പോലീസിൻ്റെ രഹസ്യ നീക്കത്തിനോടുവിലാണ് ഇവർ പിടിയിലാകുന്നത്.

കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കൊല്ലം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ