കോട്ടയം: ബാബുവിന്റെ ജീവിതമാർഗ്ഗം തിരികെ പിടിക്കാൻ തിടനാട് ചേറ്റുതോട് ഗ്രാമം കൈകോർക്കും അമ്മയുടെ ഓപ്പറേഷന് വേണ്ടി മെഡിക്കൽ കോളേജിലെത്തിയ പൊങ്ങൻപാറ ബാബു നാരായണൻറെ ഓട്ടോറിക്ഷ മോഷണം പോയതോടെയാണ് വരുമാന മാർഗ്ഗം നിലച്ച ബാബുവിനെ സഹായിക്കാൻ നാടൊരുങ്ങുന്നത്. ബാബുവിന്റെ ജീവിതം തിരികെ പിടിക്കുവാനായി ചേറ്റുതോട് എന്ന കൊച്ചു ഗ്രാമം ഒന്നിക്കുന്നു.
ഈ ദുരിതങ്ങൾക്കിടയിൽ മറ്റൊരു ഓട്ടോറിക്ഷ വാങ്ങിക്കുവാനുള്ള സാമ്പത്തിക ശേഷി ബാബുവിനില്ല എന്ന് തിരിച്ചറിഞ്ഞത്തോടെയാണ് നാട്ടുകാർ എല്ലാരുംകൂടി പുതിയ ഓട്ടോ വാങ്ങി നല്കാന് തീരുമാനമെടുത്തത്. ഇതിനായി ഗ്രാമ പഞ്ചായത്ത് അംഗം ജോയിച്ചൻ കാവുങ്കൽ ചെയർമാനും, തോമസ് വടകര പ്രസിഡന്റും, ജോസഫ് സെബാസ്റ്റ്യൻ ട്രെഷററുമായ കമ്മിറ്റിയും രൂപീകരിച്ചു. വാർഡിലെ മുഴുവൻ വീടുകളിൽ കയറിയാണ് ഇതിനാവിശ്യമായ തുക ശേഖരിക്കുന്നത്. ഇതിനായി മീനച്ചിൽ ഈസ്റ്റ് ബാങ്കിന്റെ പിണ്ണാക്കനാട് ശാഖയിൽ ബാബു പൊങ്ങപാറയിൽ കുടുംബസഹായ നിധി പേരിൽ അക്കൗണ്ടും ആരംഭിച്ചിട്ടുണ്ട്.