ചെണ്ട വാദ്യ കലാകാരന് കൊവിഡ്; തിരുനക്കര മഹാദേവക്ഷേത്രം അടച്ചു

കോട്ടയം: തിരുനക്കര മഹാദേവക്ഷേത്രത്തിലെ വാദ്യ കലാകാരന് കൊവിഡ് സ്ഥിരീകരിച്ചതോടെ മഹാദേക്ഷേത്രം അടച്ചു. ക്ഷേത്രത്തിലെ ജീവനക്കാരന് വ്യാഴാഴ്ച നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. ഇതിനു പിന്നാലെയാണ് ക്ഷേത്രം അടയ്ക്കാൻ അധികൃതർ തീരുമാനിച്ചത്.

Also Read: കൈക്കൂലിയും ഡിജിറ്റൽ; ഗൂഗിള്‍ പേ വഴി പണം വാങ്ങിയ പോലീസുകാരനെ കൈയ്യോടെ പിടികൂടി എസ്പി

കഴിഞ്ഞ ദിവസം ക്ഷേത്രത്തിലെ ജീവനക്കാരന് കൊവിഡ് ലക്ഷങ്ങളുണ്ടായിരുന്നു. ഇതേ തുടർന്നാണ് ഇദ്ദേഹത്തിന് കൊവിഡ് പരിശോധന നടത്തിയത്. ഇതോടെയാണ് ഇദ്ദേഹത്തിനു കൊവിഡ് രോഗം സ്ഥിരീകരിച്ചത്. തുടർന്നു ഇദ്ദേഹവുമായി നേരിട്ട് സമ്പർക്കത്തിൽ ഏർപ്പെട്ട ആളുകളോട് ക്വാറന്‍റൈനില്‍ പോകാൻ നിർദേശിക്കുകയായിരുന്നു.

Also Read: ഒരു ഗ്രാം മയക്കുമരുന്നിന് 5000 രൂപ; 'പൗച്', 'പോയിന്‍റ്' എന്നിങ്ങനെ കോഡ് വാക്കുകൾ

ഇത് കൂടാതെ ക്ഷേത്രത്തിലെ സ്ഥിരം സാന്നിധ്യമായിരുന്ന വാദ്യ കലാകാരന് രോഗം സ്ഥിരീകരിച്ച സാഹചര്യത്തിൽ ക്ഷേത്രം അടച്ചിടാൻ തീരുമാനിക്കുകയായിരുന്നു. ക്ഷേത്രം അടച്ചിട്ട് അണുവിമുക്തമാക്കിയ ശേഷം മാത്രമേ ഇനി ക്ഷേത്രം തുറക്കൂ എന്ന് ക്ഷേത്രം അധികൃതർ പറഞ്ഞു. കൂടുതൽ ജീവനക്കാരെയും ഈ സാഹചര്യത്തിൽ കൊവിഡ് പരിശോധനയ്ക്കു വിധേയരാക്കും. കോട്ടയം നാഗമ്പടത്തെ മൈജി ഷോറൂമും അടച്ചിട്ടുണ്ട്. ഷോറൂമിലെ ജീവനക്കാരന് കൊവിഡ് സ്ഥിരീകരിച്ചതോടെയാണ് ഇത്. ഇവിടെയുള്ള ജീവനക്കാരോടു ക്വാറന്‍റൈനിൽ പോകാൻ നിർദേശിച്ചിട്ടുണ്ട്.

കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ