കോട്ടയം (Kottayam): കോട്ടയം നഗരമധ്യത്തിൽ യുവാവിനെ തല്ലിക്കൊലപ്പെടുത്തിയത് ഒന്നാം പ്രതിയായ ജോമോൻ്റെ സുഹൃത്തിനെ മർദിച്ച് വീഡിയോ പകർത്തി സോഷ്യൽ മീഡിയയിൽ പ്രചരിപ്പിച്ചതിൻ്റെ വൈരാഗ്യത്തെ തുടർന്നെന്ന് ജില്ലാ പോലീസ് മേധാവി ഡി ശിൽപ. കഴിഞ്ഞ ദിവസം പുലർച്ചെയാണ് കീഴുക്കുന്ന് സ്വദേശി ഷാനെ കെ ഡി ജോമോൻ്റെ നേതൃത്വത്തിലുള്ള ഗുണ്ടാ സംഘം ആക്രമിച്ച് കൊലപ്പെടുത്തിയത്.
കഴിഞ്ഞ ഒക്ടോബറിൽ കേസിൽ ഉൾപ്പെട്ട ഒരു പ്രതിയെ ഷാൻ്റെ സുഹൃത്ത് തൃശൂരിൽ വിളിച്ചുവരുത്തി മർദിച്ചിരുന്നു. ഇതിന് ശേഷം ഈ വീഡിയോ സോഷ്യൽ മീഡിയ വഴി പ്രചരിപ്പിച്ചിരുന്നു. സോഷ്യൽ മീഡിയയിൽ പ്രചരിച്ച വീഡിയോയിൽ ഷാനും സുഹൃത്തുക്കളും ലൈക്കും കമന്റും ചെയ്തിരുന്നു. ഇത് ജോമോനും സുഹൃത്തുക്കൾക്കും അപമാനമായി മാറിയിരുന്നു. ഇതിനു പ്രതികാരം തീർക്കുന്നതിന് വേണ്ടിയാണ് ഷാനെ തട്ടിക്കൊണ്ടു പോയത്. ജോമോന്റെ സുഹൃത്തിനെ മർദിച്ച ആളെ കണ്ടെത്തുന്നതിന് വേണ്ടിയാണ് ഷാനെ തട്ടി കൊണ്ടുപോയി മർദിച്ചത്.
ജോമോന്റെ സുഹൃത്തിനെ മർദിച്ചതിന് സമാനമായ രീതിയിൽ തന്നെയാണ് പ്രതികൾ ഷാനെയും മർദിച്ചത്. ഈ മർദനത്തിനിടെയാണ് ഷാൻ കൊല്ലപ്പെട്ടത്. തുടർന്ന് പോലീസ് പരിശോധന നടക്കുന്നതിനാൽ പോലീസ് സ്റ്റേഷന് 100 മീറ്റർ അകലെ ജോമോനെ ഇറക്കി വിട്ട ശേഷം ഒപ്പമുണ്ടായിരുന്ന പ്രതികൾ രക്ഷപെട്ടു. ഇവിടെ നിന്നാണ് ജോമോൻ മൃതദേഹവുമായി പോലീസ് സ്റ്റേഷനിൽ എത്തിയത്. ജോമോനൊപ്പം ഉണ്ടായിരുന്ന അഞ്ചു പ്രതികളെയും കസ്റ്റഡിയിൽ എടുത്തിട്ടുണ്ട്. ഇവരെ പോലീസ് ചോദ്യം ചെയ്തു വരികയാണെന്നും ജില്ലാ പോലീസ് മേധാവി ഡി ശിൽപ പറഞ്ഞു. ജോമോനെതിരെ 15 കേസുകൾ നിലവിലുണ്ട്.
കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Kottayam News, Kottayam Shan Murder, Kottayam Murder
കഴിഞ്ഞ ഒക്ടോബറിൽ കേസിൽ ഉൾപ്പെട്ട ഒരു പ്രതിയെ ഷാൻ്റെ സുഹൃത്ത് തൃശൂരിൽ വിളിച്ചുവരുത്തി മർദിച്ചിരുന്നു. ഇതിന് ശേഷം ഈ വീഡിയോ സോഷ്യൽ മീഡിയ വഴി പ്രചരിപ്പിച്ചിരുന്നു. സോഷ്യൽ മീഡിയയിൽ പ്രചരിച്ച വീഡിയോയിൽ ഷാനും സുഹൃത്തുക്കളും ലൈക്കും കമന്റും ചെയ്തിരുന്നു. ഇത് ജോമോനും സുഹൃത്തുക്കൾക്കും അപമാനമായി മാറിയിരുന്നു. ഇതിനു പ്രതികാരം തീർക്കുന്നതിന് വേണ്ടിയാണ് ഷാനെ തട്ടിക്കൊണ്ടു പോയത്. ജോമോന്റെ സുഹൃത്തിനെ മർദിച്ച ആളെ കണ്ടെത്തുന്നതിന് വേണ്ടിയാണ് ഷാനെ തട്ടി കൊണ്ടുപോയി മർദിച്ചത്.
ജോമോന്റെ സുഹൃത്തിനെ മർദിച്ചതിന് സമാനമായ രീതിയിൽ തന്നെയാണ് പ്രതികൾ ഷാനെയും മർദിച്ചത്. ഈ മർദനത്തിനിടെയാണ് ഷാൻ കൊല്ലപ്പെട്ടത്. തുടർന്ന് പോലീസ് പരിശോധന നടക്കുന്നതിനാൽ പോലീസ് സ്റ്റേഷന് 100 മീറ്റർ അകലെ ജോമോനെ ഇറക്കി വിട്ട ശേഷം ഒപ്പമുണ്ടായിരുന്ന പ്രതികൾ രക്ഷപെട്ടു. ഇവിടെ നിന്നാണ് ജോമോൻ മൃതദേഹവുമായി പോലീസ് സ്റ്റേഷനിൽ എത്തിയത്. ജോമോനൊപ്പം ഉണ്ടായിരുന്ന അഞ്ചു പ്രതികളെയും കസ്റ്റഡിയിൽ എടുത്തിട്ടുണ്ട്. ഇവരെ പോലീസ് ചോദ്യം ചെയ്തു വരികയാണെന്നും ജില്ലാ പോലീസ് മേധാവി ഡി ശിൽപ പറഞ്ഞു. ജോമോനെതിരെ 15 കേസുകൾ നിലവിലുണ്ട്.
കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Kottayam News, Kottayam Shan Murder, Kottayam Murder