ഭഷ്യവിഷബാധയേറ്റ് നഴ്സ് മരിച്ച സംഭവം; ഹോട്ടൽ അടിച്ചു തകർത്ത് ഡിവൈഎഫ്ഐ പ്രവർത്തകർ

കോട്ടയം: സംക്രാന്തിയിൽ ഭക്ഷ്യ വിഷ ബാധയെ തുടർന്ന് നഴ്സ് മരിച്ച സംഭവത്തിൽ 'മലപ്പുറം കുഴിമന്തി' എന്ന ഹോട്ടലിലേക്ക് ഡിവൈഎഫ്ഐ കുമാരനല്ലൂർ മേഖല കമ്മറ്റി പ്രതിഷേധ ജാഥ നടത്തി. ഹോട്ടലിന്‍റെ മുന്നിലെ ചെടി ചട്ടികൾ തല്ലി തകർക്കുകയും, ബോർഡും, ഫ്ളക്സും നശിപ്പിക്കുകയും ചെയ്തു. പോലീസ് നോക്കി നിൽക്കെയാണ് ഹോട്ടലിനെതിരെ അക്രമണം ഉണ്ടായത്. ഹോട്ടലിനെതിരെ പലതവണ പരാതി ഉയർന്നിട്ടും, കോട്ടയം നഗരസഭ കാര്യമായ നടപടിയെടുത്തിട്ടില്ല എന്നും ഡി വൈ എഫ് ഐ കുറ്റപ്പെടുത്തി.29നാണ് കുഴിമന്തി കടയിൽ നിന്ന് കോട്ടയം മെഡിക്കൽ കോളേജിലെ നഴ്സ് ആയ രശ്മി രാജ് ഭക്ഷണം സ്വിഗി വഴി ഓർഡർ ചെയ്തു വരുത്തിയത്.

Also Read : ഭക്ഷ്യവിഷബാധയേറ്റ് യുവതി മരിച്ച സംഭവം; നവംബറിൽ ഒരാഴ്ച അടച്ചിട്ടിട്ടും പാഠം പഠിച്ചില്ല; കേസെടുത്ത് പോലീസ്

ഭക്ഷണം കഴിച്ചു ഒരു മണിക്കൂറിനുള്ളിൽ ബുദ്ധിമുട്ടുകൾ ഉണ്ടാവുകയും ആശുപത്രിയിൽ പ്രവേശിപ്പിക്കുകയും ചെയ്തു. ഇന്നലെ വൈകിട്ടോടെ രശ്മി മരിച്ചു.നിലവിൽ കട പൂട്ടിച്ചിരിക്കുകയാണ്.

Also Read : സ്നേഹത്തിന്‍റെ മണ്ണാണിത്, സിസ്റ്റർ ലിനിയെയും നൗഷാദിനെയും ഓർക്കാതിരിക്കുന്നതെങ്ങനെ; കലോത്സവ വേദിയിൽ മന്ത്രി ശിവൻകുട്ടി

തിരുവാർപ്പ് സ്വദേശിനിയും കോട്ടയം മെഡിക്കൽ കോളേജ് ആശുപത്രിയിലെ നഴ്സുമായ രശ്മി രാജ് (33) ആണ് തിങ്കളാഴ്ച വൈകിട്ടോടെ മരിച്ചത്. ഹോട്ടലിൽ നിന്നും ഭക്ഷണം കഴിച്ച ഇരുപത്തിയൊന്നോളം പേർക്ക് ഭക്ഷ്യവിഷബാധയേറ്റിരുന്നു. ഗുരുതരാവസ്ഥയിലായിരുന്ന രശ്മിയെ ആദ്യം കോട്ടയം മെഡിക്കൽ കോളേജ് ആശുപത്രി ഐസിയുവിലും, പിന്നീട് വെന്‍റിലേറ്ററിലും പ്രവേശിപ്പിച്ചു. ഇന്നലെ വൈകിട്ടോടെയാണ് മരണം സംഭവിച്ചത്.

Read Latest Local News and Malayalam News