ആർപ്പൂക്കരയിൽ ഗുണ്ടാ ആക്രമണം: യുവാവിനെ വെട്ടിപ്പരിക്കേൽപ്പിച്ചു; കുപ്രസിദ്ധ ഗുണ്ടാ നേതാവിൻ്റെ സഹോദരന്മാർ അടക്കം 5 പേർ പിടിയിൽ

ആർപ്പൂക്കര: ആർപ്പൂക്കര പനമ്പാലത്ത് വടിവാളുമായി ബൈക്കിൽ അഴിഞ്ഞാടിയ ഗുണ്ടാ സംഘം യുവാവിനെ വെട്ടിപ്പരിക്കേൽപ്പിച്ചു. കാപ്പ ചുമത്തി ജയിലിലടച്ച കുപ്രസിദ്ധ ഗുണ്ടാ നേതാവ് അലോട്ടിയുടെ സഹോദരന്മാർ അടക്കമുള്ളവരാണ് വടിവാളുമായി രാത്രിയിൽ അഴിഞ്ഞാടിയത്. കഞ്ചാവ് എത്തിച്ചു വിതരണം ചെയ്യുന്നതിനെ ചൊല്ലിയുണ്ടായ തർക്കത്തെ തുടർന്നാണ് സംഭവം.

പനമ്പാലം അങ്ങാടി കപ്പേള ഭാഗത്ത് കുരിശുങ്കൽ വീട്ടിൽ എബി ജോർജി (33) നാണ് വെട്ടേറ്റത്. സംഭവവുമായി ബന്ധപ്പെട്ട് ഗുണ്ടാ സംഘത്തലവൻ അലോട്ടിയുടെ സഹോദരൻ ജോൺസി ജേക്കബ് (24), ടോമി ജോസഫ് (24), ഇർഫാൻ അസ്മായിൽ (23), ടിജു (32), അഭിജിത്ത് പ്രമോദ് (24) എന്നിവരെയാണ് ഗാന്ധിനഗർ സ്‌റ്റേഷൻ ഹൗസ് ഓഫീസർ ഇൻസ്‌പെക്ടർ കെ ഷിജി അറസ്റ്റു ചെയ്തതത്.

Also Read: പിസി ജോർജിന്‍റെ മകൻ തെരഞ്ഞെടുപ്പ് ഗോദയിലേയ്ക്ക്; ലക്ഷ്യം പാലാ സീറ്റ്, ജോർജ് പാലായിലും മകൻ പൂഞ്ഞാറിലും

കഴിഞ്ഞ ദിവസമായിരുന്നു സംഭവം. ആർപ്പൂക്കര പനമ്പാലം ഭാഗത്ത് വടിവാളുമായി രാത്രിയിൽ ബൈക്കിലെത്തിയ ഗുണ്ടാ സംഘം അഴിഞ്ഞാടുകയായിരുന്നു. വടിവാൾ വീശി, റോഡിൽ വാൾ ഉരസി, നാട്ടുകാരെയും യുവാക്കളെയും വെല്ലുവിളിച്ച പ്രതികൾ ഭീഷണി മുഴക്കുകയും ചെയ്തിരുന്നു. പോലീസ് സംഘം എത്തിയപ്പോഴേയ്ക്കും പ്രതികൾ ഇവിടെ നിന്നും രക്ഷപെട്ടു.

Also Read: അതിരമ്പുഴയിൽ ബൈക്ക് കാറിലിടിച്ച് യുവാവ് മരിച്ചു; റോഡിൽ തെന്നി നീങ്ങിയ ബൈക്ക് കാറിലിടിച്ച് തെറിച്ചു വീണ യുവാവിന് ദാരുണാന്ത്യം

ഇതിനു ശേഷം കുടമാളൂർ അങ്ങാടിപ്പള്ളിയുടെ ഭാഗത്തു വെച്ച് പ്രതികൾ മാരകായുധങ്ങളുമായി എബിയെ ആക്രമിക്കുകയായിരുന്നു. ഗുണ്ടാ സംഘത്തലവന്മാരായ അലോട്ടിയുടെയും വിനീത് സഞ്ജയൻ്റെയും സംഘങ്ങൾ തമ്മിൽ കഴിഞ്ഞ ദിവസങ്ങളിൽ കുടമാളൂരിലും, പ്രദേശത്തെ ഷാപ്പിലും വെച്ച് ഏറ്റുമുട്ടിയിരുന്നു. ഇതിൻ്റെ തുടർച്ചയായാണ് ആക്രമണം. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.


കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ