മലയാളി വിദ്യാർഥിനി മൈസൂരുവിൽ വാഹനാപകടത്തിൽ മരിച്ചു; അപകടം ബൈക്കുകൾ കൂട്ടിയിടിച്ച്

കോട്ടയം: മലയാളി നഴ്സിങ് വിദ്യാർഥിനി മൈസുരുവിൽ വാഹനാപകടത്തിൽ മരിച്ചു. കോട്ടയം പൊൻകുന്നം ചോപ്പുംപാറ നമ്പുരയ്ക്കൽ സാബുവിൻ്റെ മകൾ സാനിയ മാത്യു (21) ആണ് മരിച്ചത്. ബൈക്കുകൾ കൂട്ടിയിടിച്ചായിരുന്നു അപകടം. നാല് കോടി രൂപയുടെ കസ്തൂരിയുമായി മൂന്ന് പേർ പിടിയിൽ; കൈമാറിയത് കോയമ്പത്തൂർ സ്വദേശി
മൈസൂരു മണ്ഡ്യ നാഗമംഗലത്ത് വെച്ചുണ്ടായ വാഹനാപകടത്തിലാണ് സാനിയ്ക്ക് പരിക്കേറ്റത്. നാട്ടിലേക്ക് വരുന്നതിനായി ബസിൽ കയറാൻ സുഹൃത്തിനൊപ്പം ബൈക്കിൽ സഞ്ചരിക്കുന്നതിനിടെ മറ്റൊരു ബൈക്കുമായി കൂട്ടിയിടിച്ചാണ് അപകടം.


ഉടൻ തന്നെ ആശുപത്രിയിൽ എത്തിച്ചെങ്കിലും സാനിയയെ രക്ഷിക്കാനായില്ല. സംസ്കാര ചടങ്ങുകൾ ഇന്ന് ഉച്ചയ്ക്ക് ഒരു മണിക്ക് വാഴൂർ പത്തൊമ്പതാംമൈൽ മൗണ്ട് കാർമൽ പള്ളിയിൽ നടക്കും.

കിലെ - മാധ്യമ പുരസ്‌കാരത്തിന് അപേക്ഷ ക്ഷണിച്ചു

കോട്ടയം: തൊഴിലാളികളുടെയും തൊഴിൽ മേഖലയുടെയും ഉന്നമനത്തിനായി പ്രവർത്തിക്കുന്ന സർക്കാർ സ്വയം ഭരണ സ്ഥാപനമായ കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്മെന്റ് (കിലെ) മാധ്യമ പുരസ്‌കാരത്തിനായി അപേക്ഷ ക്ഷണിച്ചു. കേരളത്തിലെ തൊഴിൽ മേഖലയെയും തൊഴിലാളികളെയും കുറിച്ച് കഴിഞ്ഞ ഒരു വർഷക്കാലയളവിൽ പത്രങ്ങൾ, വാരികകൾ എന്നിവയിൽ പ്രസിദ്ധീകരിച്ച സാമൂഹിക പ്രസക്തിയുള്ള മികച്ച ലേഖനങ്ങൾക്കാണ് പുരസ്‌കാരങ്ങൾ നൽകുന്നത്.

Kerala Weather:ചൂടിന് ആശ്വസമായി ഇന്ന് മഴയെത്തുമോ? മുന്നറിയിപ്പ് ഇങ്ങനെ, ഇടിമിന്നലോട് കൂടിയ മഴയ്ക്ക് സാധ്യത
പുരസ്‌കാരത്തിന് പരിഗണിക്കേണ്ട ലേഖനങ്ങൾ/വാർത്തകൾ എന്നിവ ലേഖകന്റെ വിശദ വിവരങ്ങൾ സഹിതം ഏപ്രിൽ 17 ന് വൈകുന്നേരം നാല് മണിക്ക് മുൻപായി എക്‌സിക്യൂട്ടീവ് ഡയറക്ടർ, കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്‌മെന്റ് (കിലെ), തൊഴിൽ ഭവൻ, വികാസ് ഭവൻ പി.ഒ, തിരുവനന്തപുരം 33 എന്ന മേൽവിലാസത്തിലോ kil...@gmail.com എന്ന ഇ-മെയിൽ വിലാസത്തിലോ കിലെയുടെ ഓഫീസിൽ നേരിട്ടോ ലഭ്യമാക്കേണ്ടതാണ്. മികച്ച ലേഖനത്തിന് 25,000 രൂപ പാരിതോഷികവും ഫലകവും പ്രശ്‌സ്തി പത്രവും ലഭിക്കും.

Read Latest Local News and Malayalam News