കനത്ത മഴയിൽ കോട്ടയം എംസി റോഡ് തകർന്നു; രാവിലെ ഒരു മണിക്കൂറിനിടെ രണ്ട് അപകടം, ദുരതത്തിലാകുന്നത് ബൈക്ക് യാത്രക്കാർ

കോട്ടയം: കനത്ത മഴയിൽ എംസി റോഡിൽ പലയിടത്തും അപകടം. ഇതിനിടെ ഏറ്റുമാനൂർ സംക്രാന്തി മുതൽ സംക്രാന്തി വരെ പലയിടത്തും റോഡും തകർന്നു. ബിഎംബിസി നിലവാരത്തിൽ നിർമ്മിച്ച റോഡാണ് രണ്ടു ദിവസം മാത്രം നീണ്ടു നിന്ന മഴയിൽ തവിടുപൊടിയായത്. സംക്രാന്തി മുതൽ ഏറ്റുമാനൂർ വരെയുള്ള ഭാഗത്ത് റോഡിൽ പലയിടത്തും വെള്ളക്കെട്ടും കുഴിയും രൂപപ്പെട്ടിട്ടുണ്ട്. ഇന്നു രാവിലെ ഒരു മണിക്കൂറിനിടെ രണ്ടിടത്താണ് അപകടം ഉണ്ടായത്. തെള്ളകം മാതാ ആശുപത്രിയ്ക്കു മുന്നിൽ ബൈക്ക് വെള്ളക്കെട്ടിലെ കുഴിയിൽ ചാടി മറിഞ്ഞു യുവാവിനു പരിക്കേറ്റു. അടിച്ചിറയിൽ തകർന്നു കിടക്കുന്ന റോഡിലെ കുഴിയിൽ ചാടി മറിഞ്ഞാണ് യുവാവിനു പരിക്കേറ്റത്.

Also Read: എംസി റോഡില്‍ ഏറ്റുമാനൂരില്‍ ബൈക്ക് അപകടം; യുവാവിന് പരുക്ക്‌

ഇന്നു രാവിലെ 8.40 ന് ആദ്യം അപകടം ഉണ്ടായ തെള്ളകം മാതാ ആശുപത്രിയ്ക്കു മുന്നിൽ റോഡിൽ നേരത്തെ ഉണ്ടായിരുന്ന ഓടയും, വെള്ളം കടന്നു പോകുന്നതിനായി ഉണ്ടാക്കിയിരുന്ന ഭൂമിക്കടിയിലൂടെയുള്ള ഓടയും പൂർണമായും മൂടിയിരിക്കുകയാണ് എന്നു വ്യക്തമാകുന്നുണ്ട്. നിലവിലെ സാഹചര്യത്തിൽ ഈ റോഡിൽ റോഡിൽ വെള്ളംകെട്ടി നിൽക്കുന്നതിന്‍റെ പ്രധാന കാരണമാണ് ഇത്.
തെള്ളകത്ത് തന്നെ റോഡരികിലെ ഓടയിൽ മണ്ണ് നിറഞ്ഞ് പുല്ലും കാടും വളർന്നു പടർന്നു നിൽക്കുകയാണ്. അതുകൊണ്ടു തന്നെ റോഡരികിലെ ഓടയിലൂടെ ഒഴുകേണ്ട വെള്ളം പൂർണമായും റോഡിലേയ്ക്കു കവിഞ്ഞൊഴുകാൻ തുടങ്ങി. പലയിടത്തും റോഡ് തകരുന്നതിന്‍റെ പ്രധാന കാരണങ്ങളിൽ ഒന്നും ഇതു തന്നെയാണ്.

Also Read: പോക്‌സോ കേസില്‍ ഒരു വര്‍ഷമായി ഒളിവില്‍; മാസ്‌ക്‌ധരിക്കാത്തതിന് പിഴയടയ്ക്കാനെത്തിയപ്പോള്‍ പിടിയില്‍

ഇത് കൂടാതെയാണ് റോഡിന്റെ അശാസ്ത്രീയമായ റോഡ് നിർമ്മാണവും റോഡ് നിർമ്മാണത്തിലെ ക്രമക്കേടുമാണ് ഇപ്പോൾ അതിവേഗം റോഡ് തകർന്നതിനു പ്രധാന കാരണമെന്നാണ് സംശയിക്കുന്നത്. സംക്രാന്തി മുതൽ ഏറ്റുമാനൂർ വരെയുള്ള റോഡിൽ പത്തിലേറെ സ്ഥലങ്ങളിൽ റോഡ് തകർന്നിട്ടുണ്ട്. മഴ രണ്ടു ദിവസം കൂടി തുടരുകയാണെങ്കിൽ ഇത് റോഡ് കൂടുതൽ സ്ഥലങ്ങളിൽ തകരുന്നതിന് ഇടയാക്കും.