കോട്ടയം: 106-ാം വയസിൽ ഡൽഹിയിലേക്ക് പറന്ന് കോട്ടയം തിരുവഞ്ചൂരിലെ കുട്ടിയമ്മ കോന്തി. നെടുമ്പാശേരി വിമാനത്താവളത്തിൽനിന്നു വെള്ളിയാഴ്ച ഉച്ചയ്ക്ക് രണ്ടരയോടെയാണ് കുട്ടിയമ്മ ഡൽഹിയിലേക്ക് വിമാനം കയറിയത്. വനിതാ ദിനത്തോട് അനുബന്ധിച്ചു ഡൽഹി സർക്കാരിൻ്റെ കീഴിൽ ഡൽഹി വനിതാ കമ്മീഷൻ നടത്തുന്ന പരിപാടിയിൽ പങ്കെടുക്കാനായാണ് സാക്ഷരതാ പരീക്ഷയിൽ വിജയിച്ചു താരമായ കുട്ടിയമ്മയുടെ ഈ യാത്ര. 104-ാം വയസിൽ സാക്ഷരതാ പരീക്ഷയിൽ മിന്നും വിജയം നേടിയ കുട്ടിയമ്മയെ ഡൽഹിയിലെ ഇന്ത്യ ഹാബിറ്റാറ്റ് സെൻ്ററിൽ ശനിയാഴ്ച രാവിലെ 10.30 ന് നടക്കുന്ന പരിപാടിയിൽവെച്ചു ആദരിക്കും. കഴിഞ്ഞ ആഴ്ചയാണ് കുട്ടിയമ്മയെ ആദരിക്കാനുള്ള തീരുമാനം അറിയിച്ചു സംഘാടകർ കൊച്ചുമകൻ ബിജുവിനെ ബന്ധപ്പെട്ടത്. കുട്ടിയമ്മയുടെ ആരോഗ്യാവസ്ഥ തിരക്കിയ സംഘാടകർ വൈകാതെ വിമാന ടിക്കറ്റ് അയച്ചു നൽകുകയായിരുന്നുവെന്ന് ബിജുവും ഭാര്യ രജനിയും ടൈംസ് ഓഫ് ഇന്ത്യയോട് പ്രതികരിച്ചു.
വനിതാ ദിനമായ മാർച്ച് എട്ടിന് ഹോളി അവധി ആയതിനാലാണ് 11 ന് പരിപാടി സംഘടിപ്പിക്കാൻ സംഘാടകർ തീരുമാനിച്ചത്. കുട്ടിയമ്മയ്ക്ക് നിലവിൽ ആരോഗ്യപ്രശ്നങ്ങളില്ല. നാട്ടിലെ ക്ഷേത്രത്തിൽ അമ്മ ബുധനാഴ്ച ദർശനം നടത്തിയിരുന്നു. ആദ്യമായി വിമാനത്തിൽ യാത്ര ചെയ്യുന്നതിൽ അമ്മയ്ക്ക് ആകാംക്ഷയുണ്ടെന്നും ബിജു പറഞ്ഞു.
രണ്ടു വർഷം മുമ്പ്, 104-ാം വയസിലാണ് സാക്ഷരതാ പരീക്ഷയിൽ വിജയിച്ചു കുട്ടിയമ്മ ശ്രദ്ധ നേടിയത്. സാക്ഷരതാ പ്രേരക് ആയ രഹ്നയാണ് കുട്ടിയമ്മയ്ക്ക് പാഠങ്ങൾ പകർന്നുനൽകിയിരുന്നത്. പഠിക്കാനുള്ള പുസ്തകം തയ്യാറാക്കി വെച്ചു കുട്ടിയമ്മ തന്നെ കാത്തിരിക്കുമായിരുന്നുവെന്ന് രഹ്നയും പറഞ്ഞു. 16-ാം വയസിലാണ് കുട്ടിയമ്മ വിവാഹിതയായത്. ഭർത്താവ് ടി കെ കോന്തി 2002 ൽ നിര്യാതനായി. അഞ്ചു മക്കളുള്ള കുട്ടിയമ്മ നിലവിൽ മൂത്തമകൻ ഗോപാലൻ്റെ വീട്ടിലാണ് താമസിക്കുന്നത്.
കോട്ടയം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
വനിതാ ദിനമായ മാർച്ച് എട്ടിന് ഹോളി അവധി ആയതിനാലാണ് 11 ന് പരിപാടി സംഘടിപ്പിക്കാൻ സംഘാടകർ തീരുമാനിച്ചത്. കുട്ടിയമ്മയ്ക്ക് നിലവിൽ ആരോഗ്യപ്രശ്നങ്ങളില്ല. നാട്ടിലെ ക്ഷേത്രത്തിൽ അമ്മ ബുധനാഴ്ച ദർശനം നടത്തിയിരുന്നു. ആദ്യമായി വിമാനത്തിൽ യാത്ര ചെയ്യുന്നതിൽ അമ്മയ്ക്ക് ആകാംക്ഷയുണ്ടെന്നും ബിജു പറഞ്ഞു.
രണ്ടു വർഷം മുമ്പ്, 104-ാം വയസിലാണ് സാക്ഷരതാ പരീക്ഷയിൽ വിജയിച്ചു കുട്ടിയമ്മ ശ്രദ്ധ നേടിയത്. സാക്ഷരതാ പ്രേരക് ആയ രഹ്നയാണ് കുട്ടിയമ്മയ്ക്ക് പാഠങ്ങൾ പകർന്നുനൽകിയിരുന്നത്. പഠിക്കാനുള്ള പുസ്തകം തയ്യാറാക്കി വെച്ചു കുട്ടിയമ്മ തന്നെ കാത്തിരിക്കുമായിരുന്നുവെന്ന് രഹ്നയും പറഞ്ഞു. 16-ാം വയസിലാണ് കുട്ടിയമ്മ വിവാഹിതയായത്. ഭർത്താവ് ടി കെ കോന്തി 2002 ൽ നിര്യാതനായി. അഞ്ചു മക്കളുള്ള കുട്ടിയമ്മ നിലവിൽ മൂത്തമകൻ ഗോപാലൻ്റെ വീട്ടിലാണ് താമസിക്കുന്നത്.
കോട്ടയം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News