പുലർച്ചെ വീട്ടിൽ നിന്നും കാണാതായ വയോധികൻ്റെ മൃതദേഹം വീട്ടുമുറ്റത്തെ കിണറ്റിൽ

കോട്ടയം: പുലർച്ചെ വീട്ടിൽ നിന്നും കാണാതായ വയോധികനെ വീട്ടുമുറ്റത്തെ കിണറ്റിൽ മരിച്ച നിലയിൽ കണ്ടെത്തി. നീണ്ടൂർ ചെറുമുട്ടത്ത് മറ്റത്തിൽ രാമകൃഷ്ണൻ്റെ (75) മൃതദേഹമാണ് വീട്ടുമുറ്റത്തെ കിണറ്റിൽ കണ്ടെത്തിയത്. വെള്ളിയാഴ്ച പുലർചെ ആറു മണിയോടെയാണ് ഇദ്ദേഹത്തിൻ്റെ മൃതദേഹം വീട്ടുമുറ്റത്ത് കിണറ്റിൽ കണ്ടെത്തിയത്. ആത്മഹത്യയാണ് മരണകാരണമെന്ന് ഏറ്റുമാനൂർ പൊലീസ് പറഞ്ഞു.

Also Read: അയ്മനത്ത് ഗുണ്ടാസംഘാംഗങ്ങളെ നാട്ടുകാർ ആക്രമിച്ച സംഭവം; എട്ടു പേർ പിടിയിൽ

വനം വകുപ്പിൽ മുൻ ജീവനക്കാരനായ ഇദേഹം കുറച്ച് നാളുകളായി അസുഖ ബാധിതനായിരുന്നു.മാത്രമല്ല കഴിഞ്ഞ വർഷം ഇദ്ദേഹത്തിന്റെ മകൾ എലിപ്പനി ബാധിച്ചു മരിച്ചിരുന്നു.ഇക്കാരണങ്ങളാൽ രാമകൃഷ്ണൻ വലിയ ദുഖിതനായിരുന്നു. അത്മഹത്യാ കുറിപ്പിൽ ഇക്കാരണങ്ങൾ ചൂണ്ടി കാണിച്ചിട്ടുണ്ട് എന്നും ഏറ്റുമാനൂർ പോലീസ് പറഞ്ഞു. രാവിലെ വീടുകാർ ഏഴുന്നേറ്റപ്പോൾ ഇദ്ദേഹത്തെ കാണാതിരുന്നതോടെ നടത്തിയ അന്വേഷണത്തിലാണ് കിണറ്റിൽ മരിച്ച നിലയിൽ കണ്ടെത്തിയത്.

Also Read: വൃക്കരോഗിയായ അച്ഛനെ ചവിട്ടിക്കൊന്ന മകന്‍ പിടിയില്‍; സംഭവം കറുകച്ചാലില്‍

തുടർന്ന് വീട്ടുകാരും നാട്ടുകാരും ചേർന്ന് ഏറ്റുമാനൂർ പൊലീസിലും ഫയർഫോഴ്സിലും വിവരമറിയിക്കുകയായിരുന്നു.തുടർന്ന് ഫയർഫോഴ്സ്സ് എത്തി മൃദദേഹം പുറത്തെടുത്തു. ഏറ്റുമാനൂർ പൊലിസ് സ്ഥലത്തെത്തി മേൽ നടപടികൾ സ്വീകരിച്ചു. ഭാര്യ: തങ്കമണി, മകൻ: ശ്രീജിത്ത്.