ഷാപ്പിലുണ്ടായ വാക്ക് തര്‍ക്കം കലാശിച്ചത് ക്രൂരതയിലേക്ക്... മാന്നാനത്ത് യുവാവ് കുത്തേറ്റ് മരിച്ചു, പ്രതികളില്‍ ഒരാള്‍ കസ്റ്റഡിയില്‍

കോട്ടയം: ഷാപ്പിനു മുന്നിലുണ്ടായ വാക്ക് തർക്കത്തെ തുടർന്നു പെയിന്‍റിങ് തൊഴിലാളി കുത്തേറ്റു മരിച്ചു. മാന്നാനം നെടുംമ്പറമ്പിൽ സന്തോഷ് (47)ആണ് മരിച്ചത്. സന്തോഷിനെ കുത്തിയെന്നു സംശയിക്കുന്ന പ്രതികളിൽ ഒരാളെ പോലീസ് കസ്റ്റഡിയിൽ എടുത്തിട്ടുണ്ട്.

Also Read: ഹരിവരാസനം പുരസ്കാരം ഏറ്റുവാങ്ങാൻ കന്നി അയ്യപ്പനായി സന്നിധാനത്ത്... എസ് പി ബി എന്ന മനുഷ്യ സ്നേഹിയെ ഓര്‍ത്തെടുത്ത് പത്തനംതിട്ട

ശനിയാഴ്ച വൈകിട്ട് ആറരയോടെ മാന്നാനം കുട്ടിപ്പടിയിൽ ഷാപ്പിനു മുന്നിലായിരുന്നു സംഭവം. ഷാപ്പിനു മുന്നിലെ റോഡിൽ സന്തോഷ് വീണു കിടക്കുന്നതു കണ്ട് നാട്ടുകാർ ഓടിയെത്തുകയായിരുന്നു. തുടർന്നു സന്തോഷിനെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

തുടർന്നു നാട്ടുകാർ വിവരം അറിയിച്ചതോടെ ഗാന്ധിനഗർ സ്‌റ്റേഷൻ ഹൗസ് ഓഫിസർ ഗോപകുമാറിന്‍റെ നേതൃത്വത്തിലുള്ള പോലീസ് സംഘം സ്ഥലത്ത് എത്തി. തുടർന്നു പോലീസ് നടത്തിയ പരിശോധനയിലാണ് പ്രതികളിൽ ഒരാളെന്നു സംശയിക്കുന്നയാളെ കസ്റ്റഡിയിൽ എടുത്തത്. തുടർന്നു, പോലീസ് സംഘം മറ്റൊരു പ്രതിയ്ക്കായി തിരച്ചിൽ ആരംഭിച്ചിട്ടുണ്ട്.

Also Read: ജില്ലയിൽ ആദ്യമായി ഹോം ഐസോലേഷനില്‍ കൊവിഡ് ചികിത്സ നടത്തിയ കുടുംബം രോഗമുക്തി നേടി

പെയിന്‍റിങ് തൊഴിലാളിയായ സന്തോഷും, ഷാപ്പിലുണ്ടായിരുന്ന മറ്റു രണ്ടു പേരും തമ്മിൽ വാക്കേറ്റവും സംഘർഷവും ഉണ്ടാകുകയും ഇത് കത്തിക്കുത്തിൽ കലാശിക്കുകയുമായിരുന്നുവെന്നാണ് പോലീസ് നൽകുന്ന സൂചന. വയറ്റിൽ ആഴത്തിലേറ്റ മുറിവാണ് മരണകാരണമെന്നാണ് പ്രാഥമിക നിഗമനം. സന്തോഷിനെ മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ. കസ്റ്റഡിയിൽ എടുത്തയാളെ പൊലീസ് ചോദ്യം ചെയ്യുകയാണ്.

സന്തോഷിന്‍റെ ഭാര്യ ജയശ്രി. അമ്മ കൗസല്യ. മകൻ അരവിന്ദ് സന്തോഷ്, മകൾ അഞ്ജന സന്തോഷ്. കേസിലെ കൂട്ടുപ്രതികൾക്കായും ബാക്കിയുള്ളവർക്കായും നിരീക്ഷണം ശക്തമാക്കിയിട്ടുണ്ട്. ജില്ലാ പോലീസ് മേധാവി ജി.ജയദേവും ഡിവൈ.എസ്.പി ആർ.ശ്രീകുമാറും സ്ഥലത്ത് എത്തിയിട്ടുണ്ട്.

കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ