കോട്ടയത്ത് ഒരു കൊവിഡ് കേസ്; രോഗം സ്ഥിരീകരിച്ചത് രണ്ടു വയസുള്ള കുട്ടിക്ക്

കോട്ടയം: കോട്ടയം ജില്ലയിൽ ഒരാൾക്ക് കൊവിഡ്-19 സ്ഥിരീകരിച്ചു. വിദേശത്തു നിന്ന് എത്തിയ രണ്ടു വയസുള്ള കുട്ടിക്കാണ് രോഗം സ്ഥിരീകരിച്ചത്. നിലവിൽ ജില്ലയിൽ ആരും കൊവിഡ് ബാധിച്ച് ചികിത്സയിലില്ലായിരുന്നു. ഇതുവരെ 20 പേരാണ് ജില്ലയിൽ രോഗമുക്തി നേടിയത്.

Also Read: തളിപ്പറമ്പിലും ഭീതി പടർത്തി ബ്ലാക്ക്മാൻ...!!! ലോക്ക് ഡൗണിൽ ഉറക്കം നഷ്ടപ്പെട്ട് കണ്ണൂരിലെ രണ്ട് ഗ്രാമങ്ങൾ

മെയ് ഒന്‍പതിന് കുവൈറ്റ്-കൊച്ചി വിമാനത്തില്‍ അമ്മയ്‍ക്കൊപ്പം എത്തിയ കുട്ടി ഉഴവൂരിലെ വീട്ടില്‍ നിരീക്ഷണത്തില്‍ കഴിയുകയായിരുന്നു. അമ്മയുടെ സാംപിള്‍ പരിശോധനാഫലം വന്നിട്ടില്ല. ഇരുവരെയും കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുന്നതിന് നടപടി സ്വീകരിച്ചു. അമ്മയ്ക്ക് ഇതുവരെ രോഗലക്ഷണങ്ങളില്ല. ഇരുവരുടെയും ആരോഗ്യനില തൃപ്തികരമാണ്.

Also Read: ഗെയ്ല്‍ പൈപ്പ് ലൈന്‍ പദ്ധതി: പാലക്കാട്ടെ നിര്‍മ്മാണ പ്രവര്‍ത്തനങ്ങള്‍ അവസാനഘട്ടത്തിൽ

ഇതേ വിമാനത്തില്‍ കോട്ടയം ജില്ലക്കാരായ 21 പേര്‍ എത്തിയിരുന്നു. ഇതില്‍ ഒന്‍പതു പേര്‍ നിരീക്ഷണ കേന്ദ്രത്തിലും രോഗം സ്ഥിരീകരിച്ച കുട്ടിയുള്‍പ്പെടെ 12 പേര്‍ ഹോം ക്വാറന്‍റൈനിലുമായിരുന്നു. വിമാനത്തില്‍ ഇവരുടെ സഹയാത്രികനായിരുന്ന മലപ്പുറം സ്വദേശിക്ക് നേരത്തെ രോഗം സ്ഥിരീകരിച്ചിരുന്നു.

Also Read: സോപ്പുകൊണ്ട് ആതുര സേവകര്‍ക്ക് ആദരവ്, ലോക്ക് ഡൗണില്‍ വീട്ടിലിരുന്നപ്പോള്‍ മലപ്പുറത്തെ അധ്യാപകന്‍റെ കരവിരുത്!

അതേസമയം വിദേശത്തു നിന്ന് ഇതുവരെ 141 പേർ കോട്ടയം ജില്ലയിൽ എത്തിയിട്ടുണ്ട്. ഇതിൽ 75 പേര്‍ പുരുഷന്‍മാരും 66 പേര്‍ സ്ത്രീകളുമാണ്. 34 ഗര്‍ഭിണികളും ഏഴു കുട്ടികളും ഉള്‍പ്പെടുന്നു. ഇവരിൽ 72 പേര്‍ ജില്ലാ ഭരണകൂടം ഒരുക്കിയ നിരീക്ഷണ കേന്ദ്രങ്ങളിലും 69 പേര്‍ ഹോം ക്വാറന്‍റൈനിലുമാണ് കഴിയുന്നത്. ഞായറാഴ്ച്ച രാത്രി ക്വലാലംപൂരില്‍ നിന്നുള്ള വിമാനത്തില്‍ എത്തിയ ഏഴു പേരില്‍ ഒരാളെ വീട്ടിലേക്കയച്ചു. ബാക്കി ആറു പേര്‍ ഹോം ക്വാറന്‍റൈനിലാണ്.