ടോറസ് ലോറി നിയന്ത്രണം വിട്ട് സ്‌കൂട്ടറിലിടിച്ചു; കീഴൂർ സഹകരണ ബാങ്ക് ബോർഡ് അംഗത്തിന്‍റെ ഭർത്താവ് മരിച്ചു

കടുത്തുരുത്തി: നിയന്ത്രണം വിട്ട ടോറസ് ലോറി സ്‌കൂട്ടറിൽ ഇടിച്ച് നീണ്ടൂർ സഹകരണ ബാങ്ക് ബോർഡ് അംഗത്തിന്റെ ഭർത്താവ് മരിച്ചു. കീഴൂർ പാലിയപാടം മാത്യൂസാണ് മരിച്ചത്. മാത്യൂസിന്റെ ഭാര്യ സിജി കീഴൂർ സഹകരണ ബാങ്ക് ബോർഡ് അംഗമാണ്.

കോട്ടയത്തും സിപിഎമ്മിൽ 'യുവജന വിപ്ലവം'; മുൻ എസ്എഫ്ഐ നേതാവ് ജില്ലാ പഞ്ചായത്ത് വൈസ് പ്രസിഡൻ്റാകും, ഏറ്റുമാനൂർ ബ്ലോക്ക് പഞ്ചായത്തിൽ 28 കാരി അധ്യക്ഷ:

ബുധനാഴ്ച വൈകിട്ട് കീഴൂർ രാജൻ കവലയിൽ ആണ് അപകടം ഉണ്ടായത്. കൂടെ ഉണ്ടായിരുന്ന റെജി പരിക്കുകളോടെ മുട്ടുചിറ സ്വകാര്യ ആശുപത്രിയിൽ ചികിത്സയിലാണ്. ഓടി കൊണ്ടിരുന്ന സ്‌കൂട്ടറിനെ ടിപ്പർ അശ്രദ്ധമായി മറികടന്നതാണ് അപകടകാരണമെന്ന് നാട്ടുകാർ പറയുന്നു. ഇതേ തുടർന്നു റോഡിൽ വീണ സ്‌കൂട്ടറിൽ ടോറസിടിച്ചു. മാത്യൂസിനെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. മക്കൾ: ബിയാമോൾ , മെൽബിൻ