കോട്ടയം: പഞ്ചറായ ടയറുമായി കിലോമീറ്ററോളം വാഹനം ഓടിച്ച യുവാവിനെ നാട്ടുകാര് തടഞ്ഞു നിര്ത്തി. പിന്നീട് നാട്ടുകാര് ചേര്ന്ന് ഇയാളെ പോലീസില് ഏല്പ്പിച്ചു. വിശദമായ ചോദ്യം ചെയ്യലില് യുവാവ് പറഞ്ഞത് സത്യമാണെന്ന് ബോധ്യപ്പെട്ട പോലീസ് യുവാവിനെ വിട്ടയക്കുകയായിരുന്നു.
കോട്ടയം കടുത്തുരുത്തിക്ക് സമീപം തിരുവമ്പാടിയിലാണ് സംഭവം. ഇടുക്കി ഏലപ്പാറയില് നിന്നും അറുനൂറ്റിമംഗലത്തുള്ള ഭാര്യ വീട്ടിലേക്ക് വരികയായിരുന്നു യുവാവ്. വഴിയില്വെച്ച് കാറിന് ഒരു ടയര് പഞ്ചറായി. സ്റ്റെപ്പിനി മാറ്റിയെങ്കിലും ഓട്ടത്തിനിടെ കാറിന്റെ മറ്റൊരു ടയര് കൂടി പഞ്ചറാവുകയായിരുന്നു ഇതോടെ പഞ്ചറായ ടയറുകളുമായി യുവാവ് യാത്ര തുടര്ന്നു.ഇതോടെ കാറിന്റെ ഡിസ്കുകള് ഉള്പ്പെടെ തകരാറിലായി.
പുലര്ച്ചെയായതിനാല് മറ്റ് മാര്ഗങ്ങളില്ലാത്തതിനാല് യുവാവ് ഇതേ വാഹനത്തില് യാത്ര തുടരുകയായിരുന്നു. പഞ്ചറായ ടയറുകളുമായി തിരുവമ്പാടി ഭാഗത്ത് കൂടി കടന്നുപോയപ്പോള് വലിയ ശബ്ദം കേട്ട് നാട്ടുകാര് കാര് തടയുകയായിരുന്നു. നാട്ടുകാര് വിവരം തിരക്കുന്നതിനിടെ ഇയാള് കാര് വേഗത്തില് ഓടിച്ചുപോയി. സംശയം തോന്നിയ നാട്ടുകാര് ബൈക്കില് പിന്തുടര്ന്ന് കാര് തടഞ്ഞു. പിന്നാലെ പോലീസിനെ വിവരം അറിയിക്കുകയും ചെയ്തു