കോട്ടയം( Kottayam): ആലപ്പുഴയിൽ പോപ്പുലർ ഫ്രണ്ട് റാലിക്കിടെ പ്രകോപന മുദ്രാവാക്യം വിളിച്ച സംഭവത്തിൽ ഈരാറ്റുപേട്ടയിൽ നിന്നും ഒരാളെ കസ്റ്റഡിയിലെടുത്തു. ഈരാറ്റുപേട്ട സ്വദേശി പാറനാനിയിൽ അൻസാർ നജീബിനെയാണ് പോലീസ് കസ്റ്റഡിയിലെടുത്തത്. ആലപ്പുഴയിൽ നിന്നെത്തിയ പോലീസ് സംഘം രാത്രി 10 മണിയോടെയാണ് ഇയാളെ കസ്റ്റഡിയിലെടുക്കുകയായിരുന്നു. ഈരാറ്റുപേട്ടയിൽ പോലീസ് നടപടിയിൽ പ്രതിഷേധിച്ച് പിഎഫ്ഐ പ്രവർത്തകർ പ്രതിഷേധപ്രകടനം നടത്തി. മുദ്രാവാക്യം വിളിച്ച് കുട്ടിയെ തോളിലേറ്റിയത് അൻസാർ ആയിരുന്നു.
21-ാം തീയതി നടന്ന റാലിക്കിടെയായിരുന്നു കേസിന് ആസ്പദമായ സംഭവം നടന്നത്. പത്ത് വയസ് പോലും പ്രായം തോന്നിക്കാത്ത ആണ്കുട്ടി ഒരാളുടെ ചുമലിലിരുന്ന് പ്രകോപനപരമായ മുദ്രാവാക്യം വിളിക്കുകയും റാലിയില് പങ്കെടുത്ത മറ്റുള്ളവര് അത് ഏറ്റ് വിളിക്കുകയുമായിരുന്നു. സമൂഹമാധ്യമങ്ങളില് ഈ ദൃശ്യങ്ങളള് വ്യാപകമായി പ്രചരിക്കുകയും ചെയ്തിരുന്നു. എന്നാല് സംഘാടകര് നല്കിയ മുദ്രാവാക്യമല്ല കുട്ടി വിളിച്ചതെന്നായിരുന്നു പോപ്പുലര് ഫ്രണ്ടിന്റെ വിശദീകരണം.
Topic:Alappuzha popular front rally, Kottayam News, popular front protest