കുടിയൊഴിപ്പിക്കാൻ തിടുക്കപ്പെട്ടെത്തിയ പോലീസുകാര്‍ മാതൃകയാക്കണം ഈ എസ്‍ഐയെ! ജപ്തിയോടെ വഴിയാധാരമായ കുടുംബത്തിനു വീടു വെച്ച് നൽകി ഒരു പോലീസുകാരൻ; അന്ന് കാഞ്ഞിരപ്പള്ളിയിൽ സംഭവിച്ചത്...

കോട്ടയം: തിരുവനന്തപുരത്ത് തർക്കഭൂമി ഒഴിപ്പിക്കാനെത്തിയ പോലീസ് ഉദ്യോഗസ്ഥർ തട്ടിമാറ്റിയ തീ ശരീരത്തിലേയ്ക്കു ആളിപ്പടർന്ന് ദമ്പതിമാർ കൊല്ലപ്പെട്ടതാണ് രണ്ടു ദിവസമായി സോഷ്യൽ മീഡിയയിലെ പ്രധാന ചർച്ചാവിഷയം. ഇതിനിടെയിലാണ് കാഞ്ഞിരപ്പള്ളിയിൽ നടന്ന ഒരു ജപ്തിയും അന്ന് പോലീസ് സ്വീകരിച്ച ജാഗ്രതയും ഒരു കുടുംബത്തിനു വീട് ഒരുക്കി നൽകിയതും വീണ്ടും ഓർമ്മയിൽ എത്തുന്നത്. കാഞ്ഞിരപ്പള്ളി എസ്ഐയായിരുന്ന എ എസ് അൻസിലാണ് ജപ്തിയോടെ വഴിയാധാരമായ കുടുംബത്തിനു വീടു വെച്ച് നൽകി മാതൃകയായത്.

വോട്ടെടുപ്പിൽ നിന്ന് വിട്ടുനിന്ന് മുതിർന്ന നേതാവായ കൗൺസിലർ; കോട്ടയത്ത് ബിജെപിയിൽ പൊട്ടിത്തെറി, വിമർശനവുമായി ഒരു വിഭാഗം

വർഷങ്ങൾക്കു മുൻപായിരുന്നു കേസിനാസ്പദമായ സംഭവം. കാഞ്ഞിരപ്പള്ളി എസ്ഐയായിരുന്ന എ എസ് അനിസിലിനു മുന്നിലേയ്ക്ക് ഒരു കോടതി വിധി എത്തി. കാഞ്ഞിരപ്പള്ളി തൈപ്പറമ്പിൽ ബബിത ഷാനവാസിനെയും മകളെയും കോടതി നടപടികളുടെ ഭാഗമായി ഒഴിപ്പിക്കണമെന്നായിരുന്നു ഉത്തരവ്. ജപ്തിയുടെ ഭാഗമായി കാഞ്ഞിരപ്പള്ളി എസ്ഐയുടെ നേതൃത്വത്തിലുള്ള സംഘം വീട്ടിലെത്തി. പോലീസ് സംഘം ജപ്തി നടപടികൾ ആരംഭിക്കുന്നതിനിടെയാണ് ബബിതയുടെ രോഗാവസ്ഥയും കുടുംബത്തിൻ്റെ നിർധനാവസ്ഥയും എസ്ഐയ്ക്കു ബോധ്യപ്പെട്ടത്.

സാമ്പത്തിക സർവേയ്ക്ക് എത്തിയ ഉദ്യോഗസ്ഥരെ തടഞ്ഞ് എസ്‍ഡിപിഐ പ്രവർത്തകർ; പൗരത്വ ബില്ലിൻ്റെ സർവേയെന്ന് പ്രചാരണം! കേസ്


കോട്ടയം സ്വദേശിയായ എസ്ഐ ഉടൻ തന്നെ ഈ കുടുംബത്തിനു താമസിക്കാൻ വാടക വീട് ഉറപ്പാക്കുകയാണ് ചെയ്തത്. ജപ്തി ചെയ്യാനൊരുങ്ങിയ വീട്ടിൽ നിന്നും സാധനങ്ങളെല്ലാം അൻസിൽ വാടക വീട്ടിലേയ്ക്കു മാറ്റി. ജനമൈത്രി പോലീസിൻ്റെ സഹകരണത്തോടെ, നല്ലവരായ നാട്ടുകാരെയും ഒപ്പം കൂട്ടി അൻസിൽ നിർധന കുടുംബത്തിനു വീടും വെച്ചു നൽകി. തിരുവനന്തപുരത്ത് ജപ്തി നടപടിക്കെത്തിയ പോലീസ് സംഘത്തിൻ്റെ മുന്നിൽ ഒരു കുടുംബം കത്തിത്തീർന്നത് കാണുമ്പോഴാണ് കാഞ്ഞിരപ്പള്ളിയിലെ പോലീസിൻ്റെ കാരുണ്യസ്പർശം വീണ്ടും വാർത്തകളിൽ നിറയുന്നത്. സാധാരണക്കാരൻ്റെ കണ്ണീരൊപ്പേണ്ടവരാണ് പോലീസുകാർ എന്നു വ്യക്തമാക്കുന്നതാണ് അൻസിലിനെ പോലെയുള്ള എസ്ഐമാരുടെ പ്രവർത്തനങ്ങൾ.

കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ