നഗരത്തിൽ വീണ്ടും 'ചില്ലറത്തട്ടിപ്പ്', കുടുങ്ങി കടയിലെ ജീവനക്കാർ! വീഡിയോ കാണാം

കോട്ടയം(Kottayam): നഗരമധ്യത്തിലെ തിരുനക്കര ക്ഷേത്രത്തിലേതെന്ന പേരിൽ ചില്ലറയുമായി എത്തി നഗരത്തിലെ വ്യാപാര സ്ഥാപനത്തിൽ നിന്നും തട്ടിപ്പുകാരൻ തട്ടിയെടുത്തത് 1700 രൂപ. വെള്ളിയാഴ്ചയാണ് കോട്ടയം നഗരമധ്യത്തിൽ മാർക്കറ്റ് റോഡിലെ കടയിൽ തട്ടിപ്പ് നടന്നത്. നീല ഷർട്ടും പാന്‍റ്സും ധരിച്ചെത്തിയ ആളാണ് തട്ടിപ്പ് നടത്തിയത്. തിരുനക്കര മഹാദേവക്ഷേത്രത്തിൽ നിന്നെന്ന് പറഞ്ഞാണ് തട്ടിപ്പുകാരൻ കോട്ടയം മാർക്കറ്റിലെ എ.കെ.എം ട്രേഡേഴ്‌സിൽ എത്തിയത്. തുടർന്ന്, ഇവിടെ ജോലിയ്ക്കു നിന്ന ജോലിക്കാരിയോട് 1700 രൂപയ്ക്ക് ചില്ലറ നൽകണമെന്ന് ആവശ്യപ്പെടുകയായിരുന്നു. ഇന്ന് വരുമാനമുണ്ട്, തുണയായത് കുടുംബശ്രീ അപ്പാരൽ പാർക്ക്; തയ്യലിൽ തിളങ്ങി കിടങ്ങൂരിലെ 'ശ്രീമതിമാർ', വീഡിയോ കാണാം
കയ്യിൽ കരുതിയിരുന്ന ചില്ലറ ഇവർ കടയിൽ ജോലി ചെയ്തിരുന്ന ജീവനക്കാരിയ്ക്ക് കൈമാറി. 1700 രൂപയുടെ ചില്ലറ ഉണ്ടെന്ന് തട്ടിപ്പുകാരൻ അറിയിച്ചതോടെ ഇവർ 1700 രൂപയുടെ നോട്ട് തട്ടിപ്പുകാരനു കൈമാറി. പണം കയ്യിൽ കിട്ടിയതും തട്ടിപ്പുകാരൻ ഈ തുകയുമായി രക്ഷപെടുകയായിരുന്നു. ഈ ചില്ലറ തുട്ടുകൾ എണ്ണി നോക്കിയതോടെയാണ് 465 രൂപയുടെ നാണയ തുട്ടുകൾ മാത്രമാണ് അയാളുടെ കയ്യിലുള്ളതെന്ന് കണ്ടെത്തിയത്.

ഗൂഗിൾ മാപ്പ് വഴി തെറ്റിച്ചു: കോട്ടയത്ത് ടൂറിസ്റ്റ് സംഘം തോട്ടിൽ വീണു! രക്ഷപ്പെട്ടത് ഭാഗ്യം കൊണ്ട്

ഇതേ തുടർന്ന് കട ഉടമകളെ വിവരം അറിയിച്ചിരുന്നു. എന്നാൽ, കടയിലെ ജീവനക്കാരുടെ ഭാഗത്ത് നിന്ന് വീഴ്ചയുണ്ടായി എന്നു കണ്ടെത്തിയതിനാൽ ഇവർ പൊലീസിൽ പരാതി നൽകിയില്ല. മുൻപും കോട്ടയം നഗരമധ്യത്തിൽ കോഴിച്ചന്ത റോഡിൽ സമാന രീതിയിൽ തട്ടിപ്പ് നടന്നിട്ടുണ്ട്. മുൻപ് അഞ്ഞൂറ് രൂപയുടെ ചില്ലറ ആവശ്യപ്പെട്ടാണ് തട്ടിപ്പ് നടത്തിയിരുന്നത്. എന്നാൽ, അന്ന് തട്ടിപ്പ് നടത്തിയ ആളെ കണ്ടെത്താൻ സാധിച്ചിരുന്നില്ല. ഈ സാഹചര്യത്തിൽ തട്ടിപ്പുകാരനെ പിടികൂടണമെന്നും പൊലീസ് നടപടി ആവശ്യമാണെന്നും വ്യാപാരികൾ പൊലീസിനോടു ആവശ്യപ്പെടുന്നു.

Topic: Coins Fraud Case, Kottayam News, Fraud CCTV Visuals