വാട്‌സ്അപ്പ് ഡിപിയായി അശ്ലീല ചിത്രം; വാട്‌സ്അപ്പ് ഹാക്ക് ചെയ്‌തെന്ന പരാതിയുമായി അധ്യാപിക, സംഭവം കോട്ടയത്ത്!

കോട്ടയം: വാട്‌സ്അപ്പ് ഡിപിയായി അശ്ലീല ചിത്രം വരികയും, വാട്‌സഅപ്പ് ഹാക്ക് ചെയ്യപ്പെടുകയും ചെയ്‌തെന്ന പരാതിയുമായി അദ്ധ്യാപിക രംഗത്ത്. വാട്‌സ്അപ്പ് ഡിപി ഷെയർ ചെയ്യുന്ന സംഘം നടത്തിയ തട്ടിപ്പുകളുടെ വിശദാംശങ്ങൾ സഹിതമുള്ള അദ്ധ്യാപികയുടെ ഓഡിയോ സന്ദേശമാണ് കോട്ടയത്ത് ഇപ്പോൾ പ്രചരിക്കുന്നത്. ശനിയാഴ്ച രാവിലെ മുതലാണ് വാട്‌സ്അപ്പിൽ വായ്പൂർ ഗവ.ഹയർ സെക്കൻഡറി സ്കൂളിലെ ടീച്ചറുടേത് എന്ന പേരിൽ ഓഡിയോ സന്ദേശം പ്രചരിച്ചത് തന്‍റെ അക്കൗണ്ട് തട്ടിയെടുത്തതായും, ഡിപിയിൽ അശ്ലീല ഫോട്ടോ വച്ച് ഹാക്ക് ചെയ്തതായും ടീച്ചർ സൈബർ സെല്ലിനു നൽകിയ പരാതിയിലും പറയുന്നു.

Also Read: എറണാകുളത്ത് 9 കൊവിഡ് രോഗികളുടെ അവസ്ഥ അതീവ ഗുരുതരം; 4 നാവികർക്ക് കൂടി കൊവിഡ്!

രണ്ടു മൂന്നു ദിവസമായി വാട്‌സ്ആപ്പ് - രജിസ്‌ട്രേഷൻ വാസ് റിക്വസ്റ്റഡ് ഫ്രം ദിസ് നമ്പർ - എന്നു കാണിച്ചിരുന്നതായി അദ്ധ്യാപിക നൽകിയ പരാതിയിൽ പറയുന്നു. ഈ റിക്വസ്റ്റ് അക്‌സപ്റ്റ് ചെയ്യാനാവാതെ വാട്‌സ്ആപ്പിൽ കയറാനാവാത്ത സ്ഥിതിയായിരുന്നു. രണ്ടു മൂന്നു ദിവസം ക്യാൻസൽ ക്യാൻസൽ കൊടുത്തു. രണ്ടു മൂന്നു ദിവസമായി ഇത് കാണിക്കുന്നുണ്ടായാരുന്നു. ഓകെ കൊടുക്കാതെ വാട്‌സ്അപ്പിൽ കയറാൻ സാധിക്കാത്ത സ്ഥിതിയായി. ഇതിന് ഒകെ കൊടുത്തതോടെയാണ് വാട്‌സ്അപ്പ് തട്ടിയെടുത്തതെന്നും ഇവരുടെ പരാതിയിൽ പറയുന്നു. വാട്‌സഅപ്പിന്‍റെ പ്രൊഫൈൽ ഡിപി മാറിയതായി കണ്ട ചില സുഹൃത്തുക്കളാണ് എന്നെ വിളിച്ച് വാട്‌സ്അപ്പിൽ എന്താണ് സംഭവിക്കുന്നത് എന്നു ചോദിച്ചതെന്നു ടീച്ചർ വ്യക്തമാകുന്നു.

നമ്മുടെ നമ്പരിൽ നിന്നും പലർക്കും മെസേജ് പോകുന്നു, നമ്മൾ അറിയാതെ ഡിപി മാറുന്നു. ഞാനും ഇതിനു രാവിലെ ഇരയായി. ഇതിനെപ്പറ്റി കൂടുതൽ അന്വേഷിച്ചപ്പോഴാണ് തട്ടിപ്പ് മനസിലായത്. പിന്നീട്, പലരും പല നോർത്ത് ഇന്ത്യൻ സംസ്ഥാനങ്ങളിൽ നിന്നും ഓരോരുത്തരും വിളിക്കുകയും മെസേജ് അയക്കുകയും ചെയ്തു. ഇത് എന്താണ് എന്നു ആളുകൾ ചോദിക്കുകയും ചെയ്തു. ഇതോടെയാണ് സൈബർ സെല്ലിന്‍റെ ഓഫിസുമായി ബന്ധപ്പെട്ടത്.

Also Read: തലസ്ഥാനത്ത് ഭീതി അകലുന്നില്ല... സെക്രട്ടേറിയറ്റിലെ ജീവനക്കാരിക്കും കൊവിഡ്!

ഇവിടെ സൈബർ സെല്ലിൽ പരാതി നൽകാൻ പോയപ്പോഴാണ് വ്യാപകമായി വാട്‌സ്അപ്പ് ഹാക്ക് ചെയ്യുന്നതായി കണ്ടെത്തിയത്. ഫെയ്‌സ്ബുക്കിൽ നൽകിയ നമ്പർ തന്നെ വാട്‌സ്അപ്പിൽ ഉപയോഗിച്ചിരുന്നവരാണ് ഇത്തരത്തിൽ കൂടുതലായി തട്ടിപ്പിനു ഇരയായിരുന്നതെന്നു സൈബർ സെൽ ഉദ്യോഗസ്ഥർ പറഞ്ഞതായും ടീച്ചർ പറയുന്നു. വാട്‌സ്അപ്പിലെ പ്രൈവസിയിൽ കയറി ടു സ്റ്റൈപ്പ് വേരിഫിക്കേഷൻ എനേബിൾ ചെയ്യുന്നത് വഴി ഒരു പരിധിവരെ തട്ടിപ്പിന് ഇരയാകാതെ ഇരിക്കാനാവുമെന്നാണ് ടീച്ചറുടെ സന്ദേശം. വീണ്ടും ഒരാൾ നമ്മുടെ നമ്പർ രജിസ്റ്റർ ചെയ്യാൻ നോക്കിയാൽ ഈ നമ്പർ കൊടുക്കേണ്ടി വരും. ഈ നമ്പർ അറിയാത്തവർ ചെയ്യുമ്പോൾ ഹാക്കിങ് പ്രതിരോധിക്കും.
നമ്മൾ അൺ ഇൻസ്റ്റാൾ ചെയ്തിട്ടു വീണ്ടും ഇൻസ്റ്റാൾ ചെയ്യാൻ ശ്രമിച്ചാലും ഈ നമ്പർ ചോദിക്കും. ഇത്തരത്തിൽ ഹാക്കർമാരെ തടയാൻ സാധിക്കുമെന്നും ജില്ലാ സൈബർ സെല്ലിലെ ഉദ്യോഗസ്ഥർ പറയുന്നു.