കോട്ടയം: നിയന്ത്രണം വിട്ട ബൈക്ക് മരത്തിലിടിച്ച് യുവാവ് മരിച്ചു. കൊല്ലാട് കടുവാക്കുളത്ത് നിയന്ത്രണം വിട്ട ബൈക്കാണ് മരത്തിൽ ഇടിച്ചത്. കൊല്ലാട് ബോട്ട്‌ജെട്ടി പ്ലാമ്പറമ്പിൽ പരേതനായ പ്രസാദിന്റെ മകൻ പ്രണവ് പ്രസാദാ(21)ണ് മരിച്ചത്. പ്രണവ് സഞ്ചരിച്ച ബൈക്ക് കടുവാക്കുളം ജംഗ്ഷനിൽ മരത്തിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡരികിൽ തലയിടിച്ചു വീണ പ്രണവിനെ സുഹൃത്തുക്കൾ ചേർന്നു ആശുപത്രിയിൽ എത്തിച്ചപ്പോഴേയ്ക്കും മരണം സംഭവിച്ചിരുന്നു.
ശനിയാഴ്ച രാത്രി 11.30 ഓടെ കടുവാക്കുളം ജംഗ്ഷനിലായിരുന്നു അപകടം. പൂവൻതുരുത്ത് ഭാഗത്തു നിന്നും എത്തിയ ബൈക്ക് നിയന്ത്രണം വിട്ട കടുവാക്കുളം ജംഗ്ഷനിൽ തന്നെയുള്ള പൂവരശിൽ ഇടിച്ചു കയറുകയായിരുന്നു. ഇടിയുടെ ആഘാതത്തിൽ യുവാവ് റോഡിൽ തലയിടിച്ചു വീണു. പിന്നാലെ എത്തിയ സുഹൃത്തുക്കൾ ചേർന്നാണ് ഇയാളെ ആശുപത്രിയിൽ എത്തിച്ചതെന്നു പോലീസ്‌ പറഞ്ഞു.
Also Read: മുണ്ടക്കയത്ത് മല തുരന്ന് മണ്ണ് മാഫിയ: അനധികൃത മണ്ണെടുപ്പ് സജീവം
ജനറൽ ആശുപത്രിയിൽ എത്തിച്ചപ്പോഴേയ്ക്കും മരണം സംഭവിച്ചിരുന്നു. മൃതദേഹം മെഡിക്കൽ കോളേജ് ആശുപത്രി മോർച്ചറിയിലേയ്ക്കു മാറ്റി. കൊവിഡ് പരിശോധനയ്ക്കു ശേഷം പോസ്റ്റ്‌മോർട്ടം നടത്തും. കൊവിഡ് പരിശോധനാ ഫലം നെഗറ്റീവാണെങ്കിൽ മൃതദേഹം ബന്ധുക്കൾക്കു വിട്ടു നൽകും.
കോട്ടയം നഗരത്തിലെ ഒരു അഭിഭാഷകന്റെ ഡ്രൈവറായിരുന്നു പ്രണവ്. അച്ഛൻ പരേതനായ പ്രസാദ് , അമ്മ സന്ധ്യ, സഹോദരി പ്രവ്യ.
കോട്ടയം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ