കോഴിക്കോട്: ഉള്ളിയേരിക്കു സമീപം കാർ നിയന്ത്രണം വിട്ട് റോഡരികിലെ മതിലിൽ ഇടിച്ച് രണ്ടുമരണം. കാർ യാത്രക്കാരായ മുത്തച്ഛനും പേരക്കുട്ടിയുമാണ് മരിച്ചത്. നരിക്കുനി മടവൂർ കടവാട്ട് പറമ്പത്ത് സദാനന്ദൻ (67), ഇദ്ദേഹത്തിന്റെ മകന്റെ മകൻ ധൻജിത്ത് (7) എന്നിവരാണ് മരിച്ചത്. അഞ്ചുപേർക്ക് പരിക്കേറ്റു. ബാലുശേരി-കൊയിലാണ്ടി സംസ്ഥാനപാതയിൽ ഉള്ളിയേരി പത്തൊൻപതിൽ ഇന്ന് ഉച്ചയ്ക്ക് പന്ത്രണ്ടരയോടെയായിരുന്നു അപകടം.
കൊയിലാണ്ടി ഭാഗത്തേക്ക് പോകുകയായിരുന്ന കാർ അൽസദീദ എന്ന സ്ഥാപനത്തിന്റെ മതിലിൽ ഇടിക്കുകയായിരുന്നു. സദാനന്ദന്റെ മകളുടെ ഗൃഹപ്രവേശന ചടങ്ങുമായി ബന്ധപ്പെട്ട് പോകുകയായിരുന്നു കാറിലുണ്ടായിരുന്നവർ. ഇടിയുടെ ആഘാതത്തിൽ മതിൽ തകർന്നു. കല്ലുകൾ വീണ് കാറിന്റെ മുൻവശവും പൂർണമായും തകർന്ന നിലയിലാണ്. ഓടിക്കൂടിയ നാട്ടുകാരാണ് പരിക്കേറ്റ ഏഴുപേരെയും മൊടക്കല്ലൂരിലെ സ്വകാര്യ മെഡിക്കൽ കോളേജ് ആശുപത്രിയിലെത്തിച്ചത്. എന്നാൽ ഗുരുതരമായി പരിക്കേറ്റ സദാനന്ദനെയും ധൻജിത്തിനെയും രക്ഷിക്കാനായില്ല. കാറിന്റെ നിയന്ത്രണം വിടാനുള്ള കാരണം വ്യക്തമല്ല. പോലീസ് സ്ഥലത്തെത്തി വിവരങ്ങൾ ശേഖരിച്ചു.
Read Latest Local News and Malayalam News
കോഴിക്കോട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
എന്റെ കേരളം മെഗാ പ്രദർശനം; ആഘോഷ നിറവിൽ കലാജാഥ പര്യടനം
സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് മെയ് 9 മുതൽ 15 വരെ തേക്കിൻകാട് മൈതാനിയിൽ നടക്കുന്ന എന്റെ കേരളം പ്രദർശന വിപണന മേളയുടെ പ്രചരണ കലാജാഥ പര്യടനം പൂവ്വത്തൂർ ബസ് സ്റ്റാന്റിൽ മുരളി പെരുനെല്ലി എംഎൽഎ സ്വാഗതം ചെയ്തു. പാട്ടും പറച്ചിലും മിമിക്രിയും നൃത്തവും അരങ്ങിൽ ഒരുക്കി ഗ്രാമപ്രദേശങ്ങളിൽ വിസ്മയ കാഴ്ചയാവുകയാണ് കലാജാഥ. കുടുംബശ്രീ ജില്ലാ മിഷന്റെയും ജില്ലാ ഇൻഫർമേഷൻ ഓഫീസിന്റെയും നേതൃത്വത്തിലാണ് കലാജാഥ സംഘടിപ്പിക്കുന്നത്. എട്ട് ദിവസങ്ങളിലായി ജില്ലയിലെ 13 നിയോജക മണ്ഡലത്തിലും കലാജാഥ പര്യടനം നടത്തും.
ജില്ലയിലെ പൂവ്വത്തൂർ, കാഞ്ഞാണി, വാടാനപ്പിള്ളി, തൃപ്രയാർ, വലപ്പാട്, കയ്പമംഗലം, മതിലകം പ്രദേശങ്ങളിൽ കലാജാഥ സഞ്ചരിച്ചു. വിവിധ പ്രദേശങ്ങളിൽ സഞ്ചരിച്ച കലാജാഥ നാട്ടുകാർ, വഴിയാത്രക്കാർ, കുടുംബശ്രീ പ്രവർത്തകർ ഉൾപെടെയുള്ളവരുടെ വൻ സ്വീകണത്തോടെ ആഘോഷമായി മാറി. കൊച്ചിൻ കലാഭവൻ രാജേഷിന്റെ നേതൃത്വത്തിൽ രംഗശ്രീ പ്രവർത്തകർ ഉൾപ്പെടെയുള്ള കലാകാരന്മാരാണ് കലാപരിപാടികൾ അവതരിപ്പിക്കുന്നത്. ജില്ലയിലെ 13 മണ്ഡലങ്ങളിലും ജാഥ പര്യടനം നടത്തും. വ്യാഴാഴ്ച (മെയ് 4) കൊടുങ്ങല്ലൂർ, ചാലക്കുടി മണ്ഡലങ്ങളിലാണ് പര്യടനം. കലാജാഥ മെയ് 8ന് തൃശൂരിൽ സമാപിക്കും