കോഴിക്കോട്: ഈങ്ങാപ്പുഴയിലെ സ്വകാര്യ ആശുപത്രിയില്‍ ജോലി ചെയ്ത് വരികയായിരുന്ന കര്‍ണാടക സ്വദേശിനിയായ ഗെനക്കോളജിസ്റ്റിന് കൊവിഡ് രോഗം സ്ഥിരീകരിച്ച സംഭവത്തില്‍ ഡോക്ടറോട് സമ്പര്‍ക്കം പുലര്‍ത്തിയ പേരുടെയും പരിശോധനാ ഫലം നെഗറ്റീവ്. കര്‍ണാടകയില്‍ എത്തിയ ശേഷമാണ് ഡോക്ടര്‍ക്ക് കൊവിഡ് സ്ഥിരീകരിച്ചത്. ഡോക്ടറെ കര്‍ണാടകയില്‍ എത്തിച്ച ഡ്രൈവര്‍, ആശുപത്രി ജീവനക്കാര്‍ എന്നിവര്‍ അടക്കമുള്ളവരുടെ പരിശോധനാഫലമാണ് നെഗറ്റീവ് ആയത്.
ഡോക്ടര്‍ ചികിത്സ നല്‍കിയിരുന്ന രോഗികള്‍ അടക്കം നിരീക്ഷണത്തിലാണ്‌. ദാവന്‍ഗെരെ സ്വദേശിനിയായ ഡോക്ടര്‍ക്ക് രണ്ടാംഘട്ട പരിശോധനയിലാണ് കൊവിഡ് പോസിറ്റീവ് ആയത്. മെയ് അഞ്ചിനാണ് കക്കാട് സ്വദേശിയായ ഡ്രൈവര്‍ക്കൊപ്പം ഡോക്ടറും സുഹൃത്തും കര്‍ണാടകയില്‍ എത്തിയത്. തിരിച്ചുവന്ന ഡ്രൈവര്‍ അന്ന് മുതല്‍ ക്വാറന്റീനില്‍ ആയരുന്നു.
Also Read: കൊല്ലത്ത് ആറാം ക്ലാസുകാരനെ മർദ്ദിച്ച് മാല കവർന്നു; പിന്നിൽ ബൈക്കിലെത്തിയ മൂന്നംഗ സംഘം!
ഏപ്രില്‍ 21ന് ശേഷം ഇവര്‍ രോഗികളെ പരിശോധിച്ചിരുന്നില്ല. ഹോസ്പിറ്റല്‍ കോമ്പൗണ്ടിനുള്ളിലെ ഫ്‌ലാറ്റിലായിരുന്നു താമസം. ലോക് ഡൗണില്‍ ഇളവ് വന്നതോടെയാണ് സുഹൃത്തിനൊപ്പം കര്‍ണാടകയിലേക്ക് മടങ്ങിയത്.