നൂറ്റാണ്ടുകളായി തോണിക്കടത്ത് മാത്രം, വൈകിയെത്തിയാൽ പെടും; കാത്തിരിപ്പിനൊടുവിൽ എളമരംകടവിൽ പാലം, വീഡിയോ കാണാം

കോഴിക്കോട് (Kozhikode): എളമരംകടവിലെ തോണിക്കടത്തിന് നൂറ്റാണ്ടുകളുടെ പഴക്കമുണ്ട്. രാത്രി വൈകി എത്തിയതിനാൽ കടത്ത് കിട്ടാതെ രാവിലെ വരെ കടവിൽ കിടന്നുറങ്ങിയ എളമരം കരീമിനെ പോലെ അനുഭവസ്ഥരുള്ള നാടിനു നാളെ ലഭിക്കാൻ പോകുന്നത് പുതുജീവിതം തന്നെയാണ്. കോഴിക്കോട്-മലപ്പുറം ജില്ലകളെ ബന്ധിപ്പിച്ചു, വളരെയധികം ദൂരം കുറച്ചുള്ള യാത്ര നാളെ മുതൽ എളമരം പാലത്തിലൂടെ സാധ്യമാവും. പൊതുമരാമത്തു മന്ത്രി മുഹമ്മദ് റിയാസ് ആണ് പാലം ഉദ്ഘാടനം ചെയ്യുക. ഉദ്ഘാടനം തിങ്കളാഴ്ച; എളമരംകടവ് പാലം തുറന്നുകൊടുത്ത് ബിജെപി, വീഡിയോ കാണാം

നൂതന സംവിധാനങ്ങളിലൂടെയാണ് എളമരം പാലവും നിർമിച്ചിരിക്കുന്നത്. 350 മീറ്ററാണ് പാലത്തിൻ്റെ നീളം. ഇത്രയും നീളമുള്ള പാലത്തിൽ ആകെ ഉള്ളത് 175 മീറ്ററിൽ ഒരു ജോയൻ്റ് ആണെന്നത് ശ്രദ്ധേയമാണ്. സ്ട്രെച്ചിങ് സിസ്റ്റം ഉപയോഗിച്ച് നിർമിച്ച ഭീം ആയതിനാൽ പാലത്തിനു ഉറപ്പും ബലവും കൂടും. 2019 മാർച്ചിൽ ആരംഭിച്ച പാലത്തിൻ്റെ നിർമാണം കോഴിക്കോട് സ്വദേശി പി ടി ശ്രീനിവാസൻ്റെ പിടിഎസ് ഹൈടെക്ക് പ്രൊജക്റ്റ് ഇന്ത്യ ലിമിറ്റഡ് എന്ന കമ്പനിയാണ് പൂർത്തിയാക്കിയത്.

റിസ്വാനയെ അലമാരയിൽ തൂങ്ങി മരിച്ച നിലയിൽ കണ്ടത് ഇവർ മാത്രം! ഭർതൃസഹോദരിയും പിതാവും ഉപദ്രവിച്ചെന്ന് വെളിപ്പെടുത്തൽ

കരാർ എടുത്ത ശേഷം പറഞ്ഞതിനേക്കാൾ ഒരു മീറ്റർ കൂടി ഉയരം കൂട്ടി പാലം നിർമിക്കേണ്ടി വന്നെങ്കിലും കരാർ കമ്പനി അതിന് അധിക തുക ഈടാക്കിയിട്ടില്ല. പുഴയിൽ ഏഴു പില്ലറുകൾ, പാലത്തിൻ്റെ ഇരുവശത്തും നടപ്പാതകൾ, ലൈറ്റുകൾ തുടങ്ങിയവയാണ് മറ്റു പ്രത്യേകതകൾ. 35 കോടി ചെലവിൽ കേന്ദ്ര ഫണ്ടിലാണ് പാലം നിർമിച്ചത്. അൽപം വൈകിയാണെങ്കിലും യാത്രാദുരിതത്തിന് തീർപ്പുണ്ടായ സന്തോഷത്തിലാണ് എളമരംകടവിൻ്റെ ഇരുവശത്തും താമസിക്കുന്നവർ.

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


Topic: Kozhikode News, New Bridge in Elamaram, Elamaram Bridge Amount